Хаартыска РФ ЫБМ Саха сиринээҕи управлениетыттан
Бүгүҥҥүттэн ойуурга Саха сиригэр кутталлаах быһыы-майгы эрэсиимэ уһулунна, ол туһунан ыйааҕа Ил Дархан Айсен Николаев таһаарда.
Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр. Ыксаллаах быһыы-майгы эрэсииимэ өрөспүүбүлүкэ сиригэр-уотугар от ыйын 3 күнүгэр киирбитэ уонна икки ыйтан ордук турда. Бүгүҥҥү туругунан Өлүөхүмэ улууһугар эрэ 6 ойуур баһаара баара бэлиэтэнэр.
Баһаар сезонун кэмигэр ойуур пуондатыгар уопсайа 1,4 мөл. га иэннээх сиргэ 823 баһаар турбута бэлиэтэммитэ. Баһаар үгэнигэр 1,5 тыһыынчаттан тахса киһи уоту умуруорууга үлэлээбитэ. Өрөспүүбүлүкэ бэйэтин дьонун таһынан, баһаары умуруорууга «Авиалесоохрана» ФБУ уонна Бурятия уонна Тыва Өрөспүүбүлүкэлэриттэн, Забайкальскай уонна Красноярскай кыраайдартан, Архангельскай уонна Иркутскай уобаластартан 800-чэкэ парашютист, десатник кэлэн үлэлээтэ.
Билиҥҥи туругунан Саха сиригэр 14 ойуур баһаара баар биллэр: Өлүөхүмэҕэ – 6, Нерюнгрига – 3, Алдаҥҥа – 2, Кэбээйи, Ленскэй, Ньурба оройуоннарыгар – биирдии.
Баһаары 232 киһи умуруорар, 9 тиэхиньикэ үлэлиир.
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…