Хаартыска: arriah.ru саайтыттан
Амурскай уобаласка уонна Саха Өрөспүүбүлүкэтигэр Россельхознадзор управлениетын бирикээһинэн Өлүөхүмэ куорат сиригэр-уотугар 422,87 гектар иэннээх сиргэ харантыыннаах үүнээйи – повилика (Сuscuta spp.) тарҕаммытынан сибээстээн, харантыыннаах фитосанитарнай зона олохтонно уонна харантыыннаах фитосанитарнай эрэсиим киллэрилиннэ. Бу туһунан «Olekmaonline» ТГ-ханаал суруйар.
Бу харантыыннаах зона куораттыы нэһилиэк тулатыгар баар тыа хаһаайыстыбатын сорох сирин хабар. Повилика — култуурунай үүнээйилэргэ ордук кутталлаах, сибэккилээх, паразиттыыр үүнээйилэр көрүҥэр киирсэллэр. Кинилэр олус түргэнник тарҕанан үөскүүллэр. Биһиги дойдубутугар 30-тан тахса көрүҥэ баар, барылара харантыыннаах сыыс оттор көрүҥэр киирэллэр.
Повиликалар – бу сир үрдүнэн үүнэр паразиттар. Кинилэр эттэрэ-сииннэрэ сап курдук эбэтэр быа курдук буолар, араҕастыҥы, от күөхтүҥү-араҕас эбэтэр кытархайдыҥы өҥнөөх. Сэбирдэхтэрэ хатырык курдук көстөллөр, мөлтөхтүк биллэллэр. Бу үүнээйилэр силиһэ суохтар, хаһаайын-үүнээйигэ анал «присосканан» сыстан аһыыллар. Органикалаах уонна органиката суох холбоһуктар суураллыбыт ууларын оборорунан, повиликалар хаһаайын-үүнээйилэр атастаһар эттиктэрин үлэтин кэһэллэр, мөлтөтөллөр уонна улааталларын, сайдалларын бытаардаллар.
Түргэнник улаатан, паразит сыстыганнаах култуура бүтүн сирин бүрүйэр, үксүгэр үүнээйилэри сутуйан өлөрөр. Харантыыннаах фитосанитарнай зона олохтоммут кыраныыссатын иһинэн харантыыннаах үүнээйи үөскээбит сирин ыраастааһыҥҥа уонна популяциятын суох оҥорууга анал бырагыраама бигэргэммитэ бэлиэтэнэр.
Россельхознадзор управлениета санатарынан, сокуоҥҥа сөп түбэһиннэрэн, харантыыннаах үүнээйи булуллубутун туһунан гражданар уонна юридическэй сирэйдэр тутатына, ол иһигэр электроннай ньыманан, управлениеҕа биллэрэр эбээһинэстээхтэр.
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…