Хаартыска: sakha.gov.ru
«1941-1945 сс. Аҕа дойду Улуу сэриитигэр Кыайыы 80 сыла» бастакы үбүлүөйүнэй мэтээли Нерюнгри оройуонугар командировкатын кэмигэр Ил Дархан Айсен Николаев Чульмантан төрүттээх 98 саастаах фронтовик Валерий Спиридоновка туттарда.
Валерий Михайлович милитаристскай Японияны кытта кыргыһыыга кыттыбыт. Кини Аҕа дойду сэриитин уордьанын кавалера.
«Дойду Бэрэсидьиэнэ Владимир Владимирович Путин аатыттан Аҕа дойду Улуу сэриитин кыттыылаахтарыгар Улуу Кыайыы 80 сылыгар аналлаах өйдөбүнньүк мэтээли туттарабын. Улахан махталбытын тиэрдэбин!», — диэтэ Айсен Николаев.
Валерий Михайлович Вологодскай уобаластан төрүттээх. 1936 сыллаахха Алдан оройуонугар төрөппүттэрин кытта кэлбит. Алданнааҕы мэдиссиинэ училищетын бүтэрбит. Чульмаҥҥа бэтэрээн номнуо 50-тан тахса сыл олорор. Фронтовик 98 сааһыгар өссө эдэрбин диэн этэр уонна сылын ахсын сүрүн бырааһынньыгы – Кыайыы күнүн күүтэр эбит.
«Арассыыйаҕа сулууспалыыбын! Улуу Кыайыы 80 сылын көрсө биир кэмнээх төлөбүр — 2 мөлүйүөн солкуобай иһин махтанабын. Төлөбүрү туттубут. Эһиэхэ чэгиэн- чэбдик доруобуйаны, үлэҕитигэр уонна олоххутугар ситиһиилэри баҕарабын», — диэн Валерий Михайлович махталын тиэртэ.
«1944 сыллаахха Валерий Михайлович Алдан байыаннай комиссариатынан аармыйаҕа сулууспалыы ыҥырыллыбытым. Бастаан связист-телеграфиһынан сулууспалаабытым, онтон мотоциклетнай полкаҕа түбэспитим. Япония милитаристарын кытта кыргыһыы саҕаламмытыгар Маньчжурия уонна Монголия байыаннай суолун ааһан, Калган куорат таһыгар кыргыһыыга кыттыбытым. Өстөөх уочараттаах көтөр аалынан саба түһүүлэрин кэмигэр контузияламмытым. «Японияны Кыайыы иһин» мэтээлинэн наҕараадаламмытым», — диэн кэпсиир Валерий Михайлович.
Сэрии кэнниттэн Валерий Михайлович Иркутскай уобаласка тааҥка полкатыгар сулууспалаабыт. Алдаҥҥа төннөн кэлээт, «Алданзолото» Ленин аатынан приисковай отделениетын маркшейдерскай отделыгар үлэлээбит. Онтон сыахха токарынан көспүт.
1950 сыллаахха 4 сылга Череповец куоракка дойдутугар барбыт, оттон Саха сиригэр төннөн кэлэн токарынан үлэлээбит. 60-с сылларга фронтовик Чульман бөһүөлэгэр кэлбит. Үөрэх салаатын хайысхатынан 7 №-дээх оскуолаҕа үлэ учууталынан үлэлээбит. 1970 сыллаахха сүүрбэччэ сыл устата Чульманскайдааҕы СМУ бочуоттаах сынньалаҥҥа тахсыар диэри үлэлээбит. Ити сыллар тухары Валерий Спиридонов уопсастыбаннай үлэни кытта холбуу тутан үлэлээбит. Фронт, тыыл уонна үлэ бэтэрээннэрин холбоһуктаах Сэбиэтин чилиэнэ этэ. Бэтэрээн ордук оҕолорунан уонна сиэннэринэн киэн туттар. Сиэнэ — полиция старшай лейтенана, Черскэй бөһүөлэгэр сулууспалыыр, сиэн кыыс — «Якутуголь»ХК АХ үлэлиир.
П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…
Элгээйи олохтоохторо өр кэтэспит саҥа таас балыыһалара быйыл үлэҕэ киирбитэ. Балыыһа уон киһи сытан эмтэнэр…
ИДьМ Мииринэй оройуонунааҕы полиция салаатыгар түөкүттэргэ албыннатан 1 140 000 солк. суйдаппыт 39 саастаах Айхал…
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…