Саха сиригэр «Кыайыы пуойаһа» кэллэ

Балаҕан ыйын 26 күнүгэр Саха сиригэр  «Кыайыы пуойаһа» көһө сылдьар мусуой кэллэ. Үс күн иһигэр Аллараа Бэстээх тимир суолун ыстаансыйатыгар Бүтүн Арассыыйатааҕы «Кыайыы пуойаһа» диэн сырдатар бырайыак чэрчитинэн быыстапка үлэлиэҕэ.  

«Кыайыы сөҕүмэр күүһүнэн, элбэх сиэртибэнэн бэриллибитэ. Бу ыарахан сыллары туоруурга тулуур, дьоруойдуу санаа уонна хорсун быһыы эрэ көмөлөспүттэрэ. Аҕа дойдубутун көмүскээччилэрбитин ахтар, кэриэстиир уонна инники көлүөнэҕэ бу алдьархайдаах сыллар тустарынан тириэрдэр биһиги иэспит буолар», — диэтэ Ил Дархан Айсен Николаев. 

«Кыайыы пуойаһа» өрөспүүбүлүкэ олохтоохторун кэрэхсэттэ. Бүгүн быыстапкаҕа оскуола үөрэнээччилэрэ, юнармеецтар, бойобуой дьайыы бэтэрээннэрэ, байыаннай эпэрээссийэ кыттыылаахтара, ону тэҥэ Мэҥэ Хаҥалас олохтоохторо сырыттылар.

Пуойаска уопсайа 12 богуон баар, онтон 10-а — экспозиционнай. Араас тиэмэлэринэн арахсыбыт уон богуон устун Аҕа дойду Улуу сэриитин кэмнэриттэн көрүөххэ сөп.

Балаҕан ыйын 26 күнүттэн алтынньы 2 күнүгэр диэри пуойас маннык араспысаанньанан үлэлиэҕэ:

Аллараа Бэстээх —

26.09.2023 –  10.00 — 19.00, бүтэһик бөлөх 18:20 ч.
27.09.2023 – 10.00 — 19.00, бүтэһик бөлөх 18:20 ч.
28.09.2023 – 10.00 — 19.00, бүтэһик бөлөх 18:20 ч.

Алдан —

29.09.2023 – 10.00 — 19.00, бүтэһик бөлөх 18:20 ч.

Нерюнгри:

30.09.2023 – 10.00 — 19.00, бүтэһик бөлөх 18:20 ч.
01.10.2023 – 10.00 — 19.00, бүтэһик бөлөх 18:20 ч.
02.10.2023 – 10.00 — 19.00, бүтэһик бөлөх 18:20 ч.