Саха сиригэр Кыайыы тыыннаах символа – «Кыайыы-80» геоглиф

СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин көҕүлээһининэн, бүгүн 14:30 чааска Дьокуускайдааҕы Күнү-дьылы кэтээн көрөр сулууспа территориятыгар бэлиэ тэрээһин – өрөспүүбүлүкэтээҕи «Күөх Чэппиэр» экологическай бырайыак уонна Бүтүн Арассыыйатааҕы «Кыайыы ойуура» бырайыактар чэрчилэринэн бэс үнүгэһин олордуохтара.

Тэрээһин Улуу Кыайыы 80 сылыгар ананар уонна Аҕа дойду Улуу сэриитин дьоруойдарыгар өйдөбүнньүгүнэн буолуоҕа.

600 бэс үнүгэһэ олордуллуо, кинилэр «Кыайыы-80» диэн кэрэ геоглифы үөскэтиэхтэрэ – албан аат уонна хорсун быһыы тыыннаах пааматынньыганан буолуоҕа.

«Бары баҕалаах дьону бу үтүө дьыалаҕа көхтөөктүк кыттыһаргытыгар ыҥырабыт! Бэйэҕит тула кэрэ эйгэ оҥоһулларыгар болҕомтоҕутун уураргытыгар көрдөһөбүт», — диэн СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэ ыҥырар.