Хаартыска: sakha.gov.ru
Саха сиригэр «Кыайыыга бэйэҥ кылааккыҥ киллэр» («Внеси свою лепту в победу») аахсыйа чэрчитинэн анал байыаннай дьайыыга кыттар байыаннайдарга гуманитарнай көмө хомуура биллэрилиннэ.
Тэрийээччилэр үбү-харчыны квадрокоптер (БПЛА) атыылаһарга хомуйар санаалаахтар. Бу туһунан Саха сирин Биир кэлим координационнай киин суһал ыстаабын салайааччыта Георгий Куркутов кэпсээтэ. «Анал байыаннай дьайыыга кыттааччылары эбии оборудованиенан хааччыйыыга саха дьонугар дьоһун кылааты киллэрэргэ эбии кыах көһүннэ», — диэн кини бэлиэтээтэ.
Кини этэринэн, сулууспалаахтарга квадрокоптердары, сыаналаах маллары тиэрдиини бигэргэтэр хаартысканан уонна видеонан устуулар оҥоһуллуохтара. «Хас биирдии квадрокоптерга туспа шифр ананар. Ол кэннэ квадрокоптеры туһанан байыас ханнык байыаннай соругу толорбутун туһунан информация баар буолуоҕа», – диэн бэлиэтээтэ Георгий Куркутов.
Аахсыйаҕа ким баҕалаах кыттыан сөп. Кыттааччылар ахсааннара хааччахтаммат. Аахсыйа от ыйын 15 күнүгэр диэри ыытыллар. Сиһилии биир кэлим координационнай кииҥҥэ эрийэн билсиэххэ сөп: 89141066716, 89248675398.
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…