Саха сиригэр “Кыһыл Сыыр – Мастаах” магистральнай гаас ситимин 71 км утаҕа иһэрдилиннэ

“Кыһыл сыыр – Мастаах” магистральнай гаас үһүс утаҕын 71 км гаас ситимин утаҕа иһэрдилиннэ уонна 58 км траншеяҕа угулунна.

Сыл бүтүүтэ Танара эбэни туоратыы торумнанар.

Санатан эттэххэ, былырыын муус устар 20 күнүгэр Саха сирин Ил Дархана Айсен Николаев кыттыылаах “Кыһыл Сыыр – Мастаах” магистральнай гаас ситимин үһүс утаҕын түмүктүүр иһэрдии (сварка) ыытыллыбыта.

Онно Айсен Николаев: “Өрөспүүбүлүкэҕэ дьоһун суолталаах соругу Арассыыйа бырабыыталыстыбатын бэрэссэдээтэлэ Михаил Мишустин, РФ бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев өйөбүллэринэн быһаарылынна”, — диэбитэ.

Бу бырайыак гаас салаатыгар кэнники уон сылга саамай бөдөҥнөрө. Гаас ситимин үһүс утаҕын тутууну 2024 с. түмүктээһин Дьокуускай к., киин уонна илин эҥэр оройуоннары  гааһынан тохтоло суох хааччыйыаҕа. Саха сирин Киин энергооройуонун гааһы тиэрдии ситимигэр иккис түһүмэҕинэн “Таас Тумус – Дьокуускай” магистральнай гаас утаҕын саҥардан оҥоруу буолуоҕа.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска: тустаах саайтан