Хаартыска: СӨ Ил Дарханын уонна Бырабыыталыстыбатын пресс-сулууспата
«Сахатранснефтегаз» АХ барыта 84 км уһуннаах «Кыһыл-Сыыр–Мастаах» магистральнай гаас турбатын тутуутун салгыыр.
Билиҥҥитэ 75 км тахса гаас турбата уурулунна. Сир учаастактарын оҥоруу уонна сыбааркалыыр үлэлэр ыытыллаллар. Ону таһынан гаас турбатын сыбааркаламмыт учаастактарын пневматическай тургутан көрүү үлэлэрэ бараллар.
Бырайыак Саха сиригэр кэнники уон сылга гаас салаатыгар биир бөдөҥ хайысхатынан буолар. Тутуу түмүктэннэҕинэ, Дьокуускай куорат, киин уонна өрүс уҥуор сытар улуустарга гаас ситимин, магистральнай гаас турбаларын ситимнэрин кэҥэтиэхтээх, ону тэҥэ гаас турбатын устун сытар нэһилиэктэргэ гаастааһын кэскиллээх буоларыгар кыах үөскэтиэхтээх.
Санатан эттэххэ, «Кыһыл-Сыыр–Мастаах» магистральнай гаас турбатын үһүс утаҕын тутууга федеральнай бүддьүөттэн үбүлээһинэ Ил Дархан Айсен Николаев дойду Бырабыыталыстыбатын бэрэссэдээтэлин солбуйааччы Михаил Мишустин уонна дойду Бэрэсидьиэнин боломуочуйалаах бэрэстэбиитэлин солбуйааччы Юрий Трутнев өйөбүллэринэн быһаарыллыбыта. Ол түмүгэр дойду Бэрэсидьиэнэ Владимир Путин илии баттаабыт федеральнай сокуонун барылынан гаас ситимин тутууга федеральнай үбүлээһинэ көрүллүбүтэ.
Нерюнгри куорат борокуратуурата түөрт киһи холуобунай дьыалатынан буруйдуур түмүгү бигэргэттэ. Кинилэр РФ холуобунай кодексатын 159 …
Ханнык баҕарар киһи бу орто дойдуга олоҕо араастык ааһар. Прасковья Осиповна эринээн Бүөтүрдүүн үс оҕону…
Киһи тыҥата 1 чааска ортотунан 5-17 лиитирэ углекислай гааһы, 50 грамм ууну таһаарар. Мүнүүтэҕэ ортотунан…
Сокуоннай сааһын ситэ илик оҕо уопсастыбаннай миэстэҕэ түүннэри сылдьара сэрэхтээх. Киниэхэ бэйэтигэр даҕаны, ону сэргэ…
Уулуссаҕа дьонтон төлөпүөнү, суумканы уоруу, былдьааһын биирдэ эмит тахсар. Биир оннук түбэлтэ Дьокуускайга таҕыста. Полиция…
Киһи сааһыран истэҕин ахсын иммунитет систиэмэтэ уларыйар. Маннык уларыйыыны иммуносенесценция дииллэр. Киһи дьаҥтан, ол-бу ыарыыттан…