Хаартыска: СИА
Саха сирин табаһыттарын хаһаайыстыбаларыгар күһүҥҥү харааллааһын саҕаланна.
Барыта 177 тыһыынчаттан тахса төбөнү ааҕар былааннаахтар. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Бастакынан харааллааһыны Булуҥ, Үөһээ Дьааҥы, Кэбээйи, Эбээн Бытантай уонна Усуйаана улуустарыгар саҕалаатылар. Атын улуустарынан тэрээһин үлэлэрэ сэтинньи саҥатыгар ыытыллыаҕа. Үлэни ахсынньы ортотугар түмүктүөхтэрэ. Быйыл күһүн сылаас буолан, харааллааһыны хойут саҕалаатылар диэн Саха сирин Тыатын хаһаайыстыбатын министиэристибэтин хоту төрүт үгэстэри сайыннарыыга отдел салайааччыта Иннокентий Баланов кэпсээтэ. Кини этэринэн, табаһыттар былааннаах көрдөрүүлэри толорууга эрэнэллэр.
«Бары таба ыстаадалара кыһыҥҥы мэччирэҥҥэ таҕыстылар. Бу кэмҥэ бэтэринээрийэ дьаһалларн уонна инвентаризацияны таһынан табаһыттар идэһэҕэ табалары сүүмэрдииллэр, табалар кыһыҥҥы маршруттарын оҥороллор, мэдиссиинэ көрүүтүн аһардаллар. Күһүҥҥү хараалга нэһилиэктэр, оройуоннар дьаһалталарын хамыыһыйалара уонна агитационнай-култуурунай биригээдэлэрэ үлэлиэхтэрэ», — диэн бэлиэтээтэ Иннокентий Баланов. Ону тэҥэ быйыл аан бастакытын 2025 сыл кулун тутар 1 күнүгэр диэри табалары бииркэлиэхтэрэ уонна чииптэри кэтэрдиэхтэрэ.
Таатта улууһун баһылыга Айаал Бурцев анал байыаннай дьайыы зонатыгар баҕа санаатынан барда. Бу туһунан социальнай…
2024 сыл үс кыбаарталын түмүгүнэн квадробикаҕа аналлаах табаарга нэһилиэнньэҕэ наадыйыы 4800% улааппыт. Бу сыл үс…
Бүгүн Ил Түмэн тохсус ыҥырыылаах пленарнай мунньаҕар «Саха Өрөспүүбүлүкэтин муниципальнай тэриллиилэрин олохтоох салайыныы уорганнарыгар хаһаайына…
Российскай Федерация Сэбилэниилээх күүстэрин комплектааһыҥҥа Дьокуускайга хантаараагынан үһүс разрядтаах байыаннай сулууспаҕа гражданнары сүүмэрдээһин салҕанар. Бу…
Алдан спортсмена Эдуард Забродин А.П. Колоктионов аатынан олимпийскай чөмпүйүөн В.С. Голованов бирииһигэр Бүтүн Арассыыйатааҕы муҥутуур…
Дьокуускай-Аллараа Бэстээх маршрутунан алта паром үлэлиир. Аллараа Бэстээххэ накопитель эһиилги сезонугар диэри үлэтин түмүктээтэ. Бу…