Саха сиригэр күнүс -30С кыраадыс буолуо

Күнү-дьылы кэтээн көрөөччүлэр бүгүн, ахсынньы 10 күнүгэр, арҕаа, соҕуруу, киин улуустарынан, Өлүөнэ алын тардыытынан, хотугулуу-илин, соҕуруулуу-арҕаа хаар түһэрэ күүтүллэр диэн билгэлииллэр.

Күнүс хотугулуу-арҕаа, арҕаа улуустарга сөкүүндэҕэ 9-14, Арктикаҕа 15-18 миэтэрэ түргэннээх тыаллаах буолуо диэн сэрэтэллэр. Бу туһунан УГМС саайта иһитиннэрэр.

Салгын температурата түүн киин улуустарга -32…-37, халлаан халыннаҕына -37…-42, хотугулуу-илин, хотугулуу-арҕаа -43… -48, арҕаа -27…-32, соҕуруулуу-арҕаа, соҕуруу -18…-23 кыраадыс тымныы, күнүс киин улуустарга -28…-33 кыраадыс, арҕаа -23…-28 кыраадыс, соҕуруулуу-арҕаа, соҕуруу -15…-20 кыраадыс, хотугулуу-илин -38…-43 кыраадыс буолара күүтүллэр.

Дьокуускайга түүн уонна сарсыарда кыралаан хаардыаҕа, күнүс сөҥүүтэ суох, соҕуруулуу-арҕааттан сөкүүндэҕэ 2-5 миэтэрэ түргэннээх тыаллаах. Түүн салгын температурата  -32… -34 кыраадыс, күнүс -30… -32 кыраадыс.