Кытай тылын сэҥээрии улаатар

Share

Саха сиригэр кытай тылын иккис омук тылын быһыытынан үөрэтэр кылаастар ахсааннара элбээбит. СӨ Үөрэх уонна наука министиэристибэтин иһитиннэриитинэн, кытай тылын билигин 700- тэн тахса оҕо үөрэтэр.

Ол курдук,  үөрэх Дьокуускай 23 уонна 26 №- дээх оскуолаларыгар, Хаҥалас уонна Нерюнгри оройуоннарын кыһаларыгар уруоктар ыытыллаллар. Кэккэ оскуолаларга бу тылы үөрэтэр куурустар аһыллыбыттар. Оттон кытай тылын иккис омук тылын быһыытынан үөрэппит норуоттар икки ардыларынааҕы Арктика оскуолатыгар 2023 сылтан дириҥэтэн үөрэтэр бөлөх тэриллибит.

«Кытай тылыгар интэриэс идэни ыларга үрдүк үөрэх кыһатын талыыны кытта сибээстээх. Арассыыйа уонна Кытай икки ардыларыгар экэнэмиичэскэй бииргэ үлэлээһин кэҥээн, биһиги дойдубутугар нуучча уонна кытай тылларын билэр исписэлиистэр наадалар. Ол иһин Арктическай оскуола кытай тылын иккис омук тылын быһыытынан үөрэтииттэн, дириҥэтэн үөрэтиигэ көспүтэ«, — диир дириэктэр Сардаана Татаринова. Кини этэринэн, оскуоланы бүтэрэллэригэр оҕолор кытай тылын балачча билиилэрэ Кытай уонна Арассыыйа үрдүк үөрэҕин кыһаларыгар киирэннэр,  онно омук тылын үөрэтэллэригэр, ылар идэлэригэр көмөлөөх буолуоҕа.

Кытай Саха сирин тас экономикаҕа партнерунан буолар. Ааспыт сыл түмүгүнэн бу дойдуну кытта эргиэн кээмэйэ 3 млрд дуолларга тиийдэ уонна салгыы улаатар. Өрөспүүбүлүкэ Харбиҥҥа сыл ахсын Саха сирин уонна Кытай предпринимателлэрин икки ардыларыгар уонунан сөбүлэһиилэр түһэрсиллэр аан дойдутааҕы эргиэн-экэнэмиичэскэй дьаарбаҥкаларыгар кыттар. Хэйлунцзян провинциятын 19  куоратын, сирин уонна өрөспүүбүлүкэ муниципалитеттарын кытта бырааттыы сыһыан олохтоммута.

Алтынньы 17-18 күннэригэр ыытыллыбыт «Биир эргимтэ — биир айан» норуоттар икки ардыларынааҕы пуорум иитинэн, Хэйлунцзян провинциятын кытта бииргэ үлэлээһини дириҥэтэр туһунан сөбүлэһии түһэрсилиннэ.

СӨ Ил Дарханын уонна Бырабыыталыстыбатын пресс-сулууспата

What’s your Reaction?
+1
2
+1
0
+1
0
+1
0
+1
0
+1
1
+1
0

Recent Posts

  • Сонуннар
  • Уопсастыба
  • Үөрэх

Ууга барыан сөптөөх эксээмэн ыытыллар пууннарыгар эрэсиэрбэ былааннар толкуйдаммыттара

Бу күннэргэ халаан уутуттан эмсэҕэлээн, сорох улуустарга ыксаллаах быһыы-майгы эрэсиимэ биллэриллибитэ. Оттон эксээмэннэр ыам ыйын…

3 часа ago
  • Сонуннар
  • Уопсастыба

Михаил Ефимович Николаев бөлөһүөктүү көрүүлэрин туһунан кинигэ сүрэхтэннэ

"Михаил Ефимович Николаев: вклад в государственную семейную политику Российской Федерации" диэн  кинигэ сүрэхтэниитэ бүгүн, ыам…

4 часа ago
  • Сонуннар
  • Уопсастыба

Дьылы атаарыы, сайыны көрсүү

Ыам ыйын 15 күнэ. Дьылбыт түмүктэнэрэ 7 хонук хаалбыт. Ол аата саха саҥа сыла саҕаланыа…

4 часа ago
  • Сонуннар
  • Уопсастыба

Дьахталлар — салайар үлэҕэ

Ааҕааччыны салгыппат гына, ааспыты аҕыйах тылынан ахтан ааһар тоҕоостоох. Ыраата барбакка эттэххэ, ааспыт үйэ 60-70-с…

5 часов ago
  • Култуура
  • Сонуннар

Туох барыта күрүөлээх…

Оннук ээ, туох барыта күрүөлээх, хамсыыр барыта хаһаалаах буолара бэрт бөҕө буоллаҕа! Киһи бэйэтин көрүнэригэр-харыстанарыгар…

6 часов ago
  • Сонуннар
  • Уопсастыба

Саха сиригэр баһаары сэрэтэр  2, 4  тыһыынчаттан тахса тэрили дьиэлэргэ киллэрдилэр

2021 сылтан  Саха сиригэр “Баһаары сэрэт – АДПИ киллэр!” диэн социальнай аахсыйа ыытыллар.  Аахсыйа чэрчитинэн…

6 часов ago