Ааптар хаартыскаҕа түһэриитэ.
Күнү-дьылы кэтээн көрөр сулууспа иһитиннэрэринэн Саха сирин улуустарыгар чугастааҕы үс сууккаҕа 22 м/с түргэннээх күүстээх тыал түһэрэ күүтүллэр. Күүстээх тыал түһүүтэ циклону кытары сибээстээх.
Ол туһунан Дьокуускайдааҕы күнү-дьылы кэтээн көрөр сулууспа начаалынньыга Татьяна Маршалик иһитиннэрэр.
«Ыам ыйын 11 күнүгэр Кэбээйи, Үөһээ Дьааҥы, Эбээн Бытантай улуустарыгар, түүнүн Нам, Хаҥалас, Горнай, Бүлүү, Үөһээ Бүлүү, Эдьигээн улуустарыгар, күнүһүн Абый, Аллайыаха, Алдан оройуоннарыгар итиэннэ Дьокуускай куоракка уонна кини чугастааҕы сирдэргэ хотугулуу-арҕааттан 9-14 м/с дохсун тыал, миэстэтинэн 15-17 м/с диэри күүһүрэрэ түһэрэ сабаҕаланар. Анаабыр уонна Булуҥ оройуоннарын арктическай кытылларыгар түүн 17-22 м/с тиийэ тымныйыан сөп», — диэн Татьяна Маршалик бэлиэтээн эттэ.
Саха хоту уонна хотугулуу-илин өттүгэр күнүс кыратык хаардыа. Оттон киин улуустарга уонна өрөспүүбүлүкэ илин, күнүһүн соҕуруулуу өттүгэр кыратык ардыа.
Чугастааҕы сууккаҕа салгын температурата киин оройуоннарга -0 -5°, хоту, хотугулуу-арҕаа -9 -14°, илин, соҕуруулуу уонна киин сиргэ 0 +5° буолуо. Күнүс киин оройуоннарга +3 +8°, хоту -2 +3°, илин уонна соҕуруу +12 +17° буолара күүтүллэр. Арктика кытылыгар түүнүн температурата -14 -19°, күнүһүн -5 -10°буолуоҕа.
Дьокуускай куоракка ыам ыйын 11 күнүгэр кыратык ардыа уонна 15-17 м/с тыаллаах буолуо. Түүнүн температура 0 +2°, күнүһүн +6 +8° буолара сабаҕаланар.
Ааспыт нэдиэлэҕэ өрөспүүбүлүкэҕэ уонна Донааҕы Ростовка госпиталларга байыаннай дьайыы кыттыылаахтарыгар, кинилэр дьиэ кэргэттэригэр, уопсайа 180…
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…