Саха сиригэр «MAX» мессенджерга холбонуу элбиир

Кэнники кэмҥэ Саха сирин олохтоохторо «MAX» диэн саҥа мессенджери хото туһанар буоллулар. Саҥа сервис тугунан уратылааҕый уонна тоҕо маннык кылгас кэм иһигэр киэҥник тарҕанна?

Бүгүҥҥү күҥҥэ «MAX» мессенджери Саха сирин хас биирдии үһүс олохтооҕо туруоруммут диэн сыаналыыллар. Салалтаттан саҕалаан, устудьуоннарга тиийэ – бары бу саҥа сыһыарыыга көстүлэр. Улахан тэрилтэлэр үлэ чааттарын, төрөппүттэр кылаас түмсүүлэрин, доҕордуулар бөлөхтөрүн – барытын «MAX» нөҥүө ыытар буоллулар.

«MAX» мессенджер туһаныытын сүрүн төрүөттэрэ

Эспиэрдэр санааларынан, мессенджергэ холбонуу уратыта хас даҕаны:

• Түргэн уонна эрэллээх. «MAX» Саха сирин усулуобуйатыгар, мөлтөх интэриниэттээх ыраах сытар улуустарга кытары видео-сибээһи хаачыстыбалаахтык хааччыйар. Докумуоннары уонна хаартыскалары кэтэһиитэ суох ыытар кыахтаах.
• Араас бөлөхтөрү арыйыы. «MAX» стандартнай функциялартан ураты, араас бөлөхтөрү арыйан кэпсэтиилэри ыытыахха сөп. Бу – интэриэс бөлөхтөрө, ханнык баҕарар тиэмэҕэ аһаҕас кэпсэтиини саҕалыыр кыах. Холобур, «Бултааһын», «Норуот маастардара», «Спорт» курдук бөлөхтөр  муҥутуур киэҥник тарҕаннылар.
• Куттала суох буолуу. Кэпсэтиилэр аныгы технологиянан харыстаналлар, ол иһин дьон бэйэтин чааһынай олоҕо харыстабыллаах буолуоҕар эрэнэр.

Айаал, Дьокуускай куорат олохтооҕо:

«Бастаан доҕотторум ыҥыран киирбитим, онтон бэйэм да билбэппинэн, бары кэпсэтиилэрим манна көспүттэр. Олус табыгастаах, барыта биир сиргэ. Ордук стикердэри сөбүлүүбүн, кэпсэтиини киэргэтэллэр».

Сардаана, учуутал, Мэҥэ Хаҥалас:

«Биһиги оскуолабыт бары «MAX»-ка көстүлэр. Төрөппүттэри кытта сибээстэһэргэ олус табыгастаах. Бөлөхтөрү арыйан учууталлар методическай матырыйаал атастаһарбытыгар эмиэ туһалаах буолла».

Санатар буоллахха, СӨ Баһылыга Айсен Николаев МАХ сыыппара платформатыгар бэйэтин ханаалын ыытар. Ил Дархан официальнай страницата бу сигэнэн баар: https://max.ru/aisen_nikolaev. СӨ Бырабыыталыстыбата бэйэтин официальнай ханааллаах, бу сигэнэн аһаҕас: https://max.ru/sakhagov.

Оттон «Саха сирэ» саайт сонуннарын бу бөлөххө киирэн көрүҥ:  https://max.ru/join/QqldBqHR4rM4SpKAVJk8QOTbsM4VFJm8vcvidjcWAKo 

* — Мета киэнэ. Экстремистскэй диэн билиниллибит уонна бобуллубут.