Хаартыска: sakha.gov.ru
Саха сиригэр элбэх кыбартыыралаах дьиэлэр уопсай чаттара МАХ национальнай мессенджергэ көһөн эрэллэр.
Хайыы-үйэ 3000-тан тахса маннык чат баар буолла диэн Тутууну уонна дьиэни-уоту кэтиир управление салайааччыта Павел Аргунов “Актуальное интервью” бырагыраамаҕа кэпсээтэ.
Бэйэҥ олорор дьиэҥ чатыгар холбонуоххун баҕарар буоллаххына “Госуслуги. Дом” сыһыарыы разделын нөҥүө салайар хампаанньаҕа этэн биитэр ГИС ЖКХ порталга киирэн тус кэбиниэккин туһанан киириэххэ сөп. Бу цифровой уопсастыбаларга чат-боттар бааллар, кинилэр хаһаайыттарга счетчик көрдөрүүлэрин ыыта охсоллорун санаталлар, сокуоҥҥа тахсыбыт уларыйыылары быһаараллар уонна дьиэни салайар билиҥҥи соруктары толорорго көмөлөһөллөр.
MAX мессенджерга дьиэ уопсай чатын оҥорууну РФ Тутууга министиэристибэтэ уонна Цифровой сайдыы министиэристибэтэ анаан-минээн оҥороллор. Өрөспүүбүлүкэ үрдүнэн 3000-тан тахса чат оҥоһулунна, билигин онно туһанааччылар көхтөөхтүк киирэ тураллар: “Госуслуги. Дом” сыһыарыыга туһааннаах уопсастыбаларга быһа тиийэр сигэ баар буолла. Атын мессенджердэргэ тутта үөрэммит чаттаргыттан уратыта диэн MAX-ка дьиэ уопсай чаттара салайар хампаанньаларынан эбэтэр биирдиилээн хаһаайыттарынан буолбакка, кииннэнэн оҥоһуллаллар. Ол иһин салайар хампаанньа уларыйар түгэнигэр чаттар сотуллубаттар. Урут чаты оҥорбут салайар хампаанньа хаһаайыттар быһаарыыларынан дьиэни сүтэрэн уонна сабан кэбиһэр түгэннэрэ баар буолааччы — билигин аны оннук буолуо суоҕа.
Өҥө кыахтара олохтоохторго дьиэни көрүү-истии боппуруостарын дьүүллэһэргэ, мунньахтары тэрийэргэ уонна холбоһуктаах быһаарыылары ылынарга, былааннаммыт үлэ туһунан иһитиннэриилэри ыларга, куоластааһыҥҥа кыттарга уонна салайар хампаанньаны кытта түргэнник сибээһи тутарга көмөлөһөр. Бу формат дьэҥкэ буолууну көҕүлүүр, сибээс хаачыстыбатын тупсарар, уонна олохтоохторго салайар хампаанньалар үлэлэрин уонна дьиэҕэ баар балаһыанньаны иһитиннэрэр.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…