Саха сиригэр мэдиссиинэ тэрилтэлэригэр 2 тыһыынчаттан тахса саҥа каадыр кэлиэҕэ

Быйыл мэдиссиинэ идэлэригэр орто анал үөрэҕи 1806 киһи бүтэрэн, диплом ылла. Ол курдук, кинилэр Дьокуускай, Алдан, Нерюнгри мэдиссинэ кэллиэстэригэр, Жатай техникумугар, ону тэҥэ ХИФУ Мэдиссиинэ институтун маннык хайысхаларыгар үөрэннилэр: “Эмтиир дьыала”, “Сиэстэрэ дьыалата”, “Лабаратыарыйа диагностиката”, “Акушер дьыалата”, “Мэдиссиинискэй илбийии”, “Тиис тиэхиньигэ”, “Фармация”, “Эстетика өҥөтүн тиэхиньигэ”.

Кинилэртэн үгүстэрэ үлэ буллулар.

ХИФУ Мэдиссиинэ институтун баазатыгар мэдиссиинискэй уонна фармацевтическай үөрэҕи 191 киһи ылла. Уопсай ахсаантан 76 бүтэрээччи тус сыалаах дуогабарынан үөрэннэ уонна өрөспүүбүлүкэ тэйиччи сытар нэһилиэктэригэр, ол иһигэр Арктикаҕа үлэлиэхтэрэ.

Ординатураны бүтэрбиттэр 70 бырыһыаннара хайыы-үйэ Саха сирин Доруобуйа харыстабылын министиэристибэтигэр бас бэринэр тэрилтэлэргэ үлэлииллэр. Ординатураны араас идэлэринэн 165 исписэлиис бүтэрбит.

Мэдиссиинэ каадырдарын бэлэмнээһин дойду Бэрэсидьиэнэ Владимир Путин көҕүлээбит “Уһун уонна көхтөөх олох” национальнай бырайыагынан ыытыллар.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/11624