Бүттүүн Арассыыйатааҕы судаарыстыбаннай лотереялар пресс-сулууспата
«Национальнай лотерея» Саха сириттэн «Мечталлион» 178-с тираһын кыайыылааҕын көрдүүрүн биллэрдэ. Кыттааччы мөлүйүөн солкуобайы сүүйбүт дьоллоох билиэтин Нерюнгри оройуонун Чульман бөһүөлэгэр «Почта России» отделениетыгар атыыласпыт. Бу туһунан Үп министиэристибэтэ тэрийбит бүттүүн Арассыыйатааҕы судаарыстыбаннай лотереялар пресс-сулууспата иһитиннэрдэ.
«Мечталлион» лотерея 178-с нүөмэрдээх тираһын оонньуута ааспыт баскыһыанньаҕа, олунньу 15 күнүгэр буолбута, онтон Саха сириттэн «дьоллоох» киһи бирииһин ылаары биллэ илик.
«Биһиги Саха Өрөспүүбүлүкэтин олохтоохторун, ол иһигэр Чульман бөһүөлэгин дьонун, лотереяҕыт билиэттэрин болҕойон көрүҥ уонна чугас дьоҥҥутугар санатыҥ диэн ыҥырабыт. Сороҕор билиэти бэлэххэ эбэтэр «баҕар табыллыа» диэн атыылаһаллар, онтон уура сыталлар — ол иһин бөдөҥ сүүйүүлэр хаһаайыннарын өр күүтүөхтэрин сөп», — диэн пресс-сулууспа бэлиэтээтэ.
Сүүйбүккүн билэргэ билиэт кэннигэр баар QR-коду сканердыахха эбэтэр штрих-код анныгар баар нүөмэри саайтка киллэриэххэ наада. 15 тыһыынча солкуобайтан үөһэ сүүйүүнү ыларга оонньуу түмүгэ тахсыаҕыттан сэттэ ый иһигэр «Национальнай Лотерея» офиһыгар тиийэн идентификацияны ааһыахха уонна докумуоннары оҥорторууга сайаапка биэриэххэ наада. Сиһилии иһитиннэриини суукканы быһа үлэлиир босхо 8 800 333-7-333 нүөмэринэн билсиэххэ сөп.
Өскөтүн быйыл экэниэмикэ үүнүүтэ бытаарар буоллаҕына, хамнас үрдэтиитин «эккирэтиһиитэ» тохтуоҕа. Бу туһунан ИМЭМО РАН сүрүн…
Олунньу 17-тэн 18-гар түүнүгэр Алдан оройуонугар сир хамсааһына буолла. Бу туһунанРАН Биир кэлим геофизическэй сулууспатын…
Бүгүн, олунньу 18 күнүгэр, суруналыыс, суруйааччы, уопсастыбанньык, В.Никифоров-Күлүмнүүр аатынан Судаарыстыбаннай бириэмийэ лауреата Иван Ушницкай олохтон…
«Медиалогия» хампаанньатын Уһук Илин федеральнай уокурук баһылыктарын тохсунньутааҕы медиа-рейтинигэр СӨ Ил Дархана Айсен Николаев иккис…
Масленица — күүтүүлээх саас кэлиитин көрсөр үгэс буолбут бырааһынньыга. Быйыл бырааһынньык олунньу 16 күнүттэн олунньу…
Бу күннэргэ учуонайдар Саха сиригэр 20-чэ сыл анараа өттүгэр булуллубут Көрдүгэҥҥэ хойукку неолит кэминээҕи (быһа…