Ульяна Захарова хаартыскаҕа түһэриитэ.
Саха сиригэр омук сирин алта олохтооҕун Арассыыйа Федерациятыттан таһаарар туһунан быһаарыы ылыныллыбыт. Ол курдук, өрөспүүбүлүкэ үрдүнэн «Фиктивная регистрация» диэн суһал-сэрэтэр үлэ ыытыллыбыт. Бу эпэрээссийэнэн полиция территориальнай подразделениетын үлэһиттэрэ уопсайа 2002 дьон олорор эбийиэктэрин бэрэбиэркэлээбиттэр.
1208 кыбартыыраны, 427 чааһынай дьиэни, 86 уопсай дьиэни, 24 гостиницаны, 115 социальнай тэрилтэни, 142 тастан кэлбит омук дьоно суулаһан олорор сирдэрин бэрэбиэркэлээбиттэр. Балар истэригэр 1928 омук сирин олохтооҕо, 1224 Арассыыйа Федерациятын олохтооҕо бэрэбиэркэлэммит. Тэрээһин түмүгүнэн, миграционнай сокуоҥҥа 185 административнай быраабы кэһии баара көстүбүт.
Маны сэргэ, ГИБДД ДПС иниспиэктэрдэрэ бу эпэрээссийэ чэрчитинэн тас дойдуттан сылдьар суоппардарга 147 административнай боротокуолу толорбуттар, ыстарааптаабыттар. Тас дойду алта олохтооҕун Арассыыйа Федерациятыттан таһаарар туһунан быһаарыы ылыныллыбыт. Кинилэр миграция сокуонугар Арассыыйа Федерациятын холуобунай кодексатын 327, 322.1, 322.2, 322.3 ыстатыйаларынан уопсайа 19 сокуону кэһиини оҥорбуттар. Тэрээһин кэмигэр 191 официальнай сэрэтии, 1250 сэрэтэр бэсиэдэлэр оҥоһуллубуттар.
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…
Саха сиригэр ойуур баһаардарын умуруорууга 154 исписэлиис үлэлиир диэн суһал ыстаап иһитиннэрэр. Суукка иһигэр барыта…
Улуу Кыайыы үбүлүөйдээх 80 сылын көрсө Марха бөһүөлэгэр 101 саастаах Аҕа дойду Улуу сэриитин кыттыылааҕа…