Мария Васильева (СИА) хаартыската
Ил Дархан Айсен Николаев балаҕан ыйын 6 күнүгэр «Национальный медицинский исследовательский центр «МНТК «Микрохирургия глаза» ФГАУ генеральнай дириэктэрин Дмитрий Арсютовы кытары көрүстэ.
Өрүттэр өрөспүүбүлүкэҕэ үрдүк технологиялаах офтальмохирургическай көмөнү оҥорор аан дойду биир бастыҥ киинин филиалын тэрийэр туһунан кэпсэттилэр.
Көрсүһүү кэмигэр Айсен Николаев өрөспүүбүлүкэҕэ офтальмологическай сулууспа тэтимнээхтик уонна эрэллээхтик сайдарын бэлиэтээтэ. Кини «МНТК «Микрохирургия глаза» научнай-тэхэньиичэскэй комплекс курдук аан дойду бастыҥ киинин кытары үлэлэһии биһиги быраастарбытыгар олус улахан суолталаах диэн бэлиэтээтэ.
Ил Дархан Дмитрий Геннадьевичка методическай уонна практическай өйөбүлүн иһин махтанарын эттэ. Оттон Дмитрий Арсютов Саха сиригэр офтальмологическай мэдиссиинэ көмөтүн тиһигэ хаачыстыбалаахтык оҥоһуллубутун бэлиэтээтэ. Кини этэринэн, 90%-н тахса офтальмохирургическай көмө өрөспүүбүлүкэҕэ бэйэтигэр оҥоһуллар, ол иһигэр ыарахан уонна улахан эпэрээссийэлэр.
Дмитрий Арсютов өрөспүүбүлүкэ тас өттүгэр баран, уустук эпэрээссийэни ааһыахтаах 6 киһини, бүгүн Дьокуускай куоракка бэйэтэ эпэрээссийэлиирин эттэ.
«Биһиги «МНТК «Микрохирургия глаза» салаатын Саха сиригэр аһар туһунан кэпсэттибит. Филиал хайаан даҕаны аһыллыа, бүгүн биһиги тэрээһин мэхэньиисимин быһаарыстыбыт. Аан дойду таһымнаах киин быраастара биһиэхэ кэлэннэр уустук эпэрээссийэлэри оҥоруохтара, быраастарбытын үөрэтиэхтэрэ», — диэтэ өрөспүүбүлүкэтээҕи харах балыыһатын кылаабынай бырааһа Иван Луцкан.
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12…
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…