Быйыл бэс ыйын 1 күнүттэн «Мин бастакы хамнаһым» бырайыак саҕаланыа. Оччоҕо 14-18 саастаах улаатан эрэр оҕолор сайыҥҥы өттүгэр үлэлээн хамнастаныахтара. Оҕолор сайыҥҥы өттүгэр биирдиилээн урбаанньыттарга уонна кэтэх хаһаайыстыбалаах дьоҥҥо үлэлиэхтэрэ. Ол туһунна бүгүн Ил Дархан Айсен Николаев быһа эпииргэ эттэ.
Быһа эпиир кэмигэр Кира Попова төлөпүөннээн оҕолор сайыҥҥы каникулларын кэмнэригэр быстах үлэҕэ сылдьыахтарын сөп дуо диэн ыйыталаста.
«Мин эһиги маннык сааскытыгар үлэлиэххитин, номнуо дьоҥҥутугар көмөлөһүөхүтүн баҕараргытыттан үөрдүм. Биһиги быйылгыттан «Моя первая профессия» пилотнай бырайыагы саҕалаан улаатан эрэр оҕолорго көмөлөһүөхпүтүн баҕарабыт. Билиҥҥитэ бырайыак үс улууска үлэлиэҕэ. Дьокуускай куоракка –креативнай индустрияҕа, Мэҥэ Хаҥаласка – биирдиилээн урбаанньыттарга уонна Горнай улууһугар – кэтэх хаһаайыстыбалаах дьоҥҥо. Оҕолор билигин Дьарыктаах уонна үлэлээх буолуу киинигэр тиийэн билсиэххитин сөп», — диэтэ Айсен Николаев.
Ил Дархан оҕолор үлэлиир баҕаларын биһигиг өйүөхтээхпит диэн бэлиэтээн эттэ.
«Холобур, мин кыыһым үҥкүү тириэньэринэн буолуон баҕарар. Кини каникулун кэмигэр оҕолору эрчийэр. Ол аата кини үтүө хаачыстыбалаах, улааттаҕына онто туһалыаҕа. Онтон мин үөрэбин. Ол иһин оҕо кыра эрдэҕиттэн үлэлиэн баҕарарыттан куттаныа суохтаахпыт, ол оннугар өйүөххэ, көмөлөһүөххэ наада», — диэтэ Айсен Николаев.
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…