Хаартыска: irposakha14.ru
Бастакы космонавт, Сэбиэскэй Сойуус Дьоруойа Юрий Гагарин төрөөбүтэ 90 сылыгар аналлаах “Мисс уонна Мистер СПО-2024” өрөспүүбүлүкэтээҕи өй, кырасыабай буолуу, айар дьоҕур уонна успуорт IХ күрэһэ ыытыллыаҕа.
Күрэс талааннаах ыччаты көрдүүр, өйүүр, устудьуоннар айар уонна успуорка дьоҕурдарын атыттарга тарҕатар, ону сонуну киэҥник тарҕатар ситимнэргэ сырдатар, Саха Өрөспүүбүлүкэтигэр олорор норуоттар култуураларын, үгэстэрин чөл хаалларар, устудьуоннар икки ардыларынааҕы уопсастыбаннай, социальнай, култуурунай ситимнэрин сайыннарар соруктаах тэриллэр.
Тэрийээччилэр иһитиннэрэллэринэн, күрэс муус устар 4-12 күннэригэр ыытыллыаҕа. Күрэскэ 23-гэр диэри саастаах ханнык баҕарар көрүҥүнэн үөрэнэр устудьуоннар, маныаха ханыылыы күрэстэр кыайыылаахтара кыттыахтарын сөп.
Финалга кыттар инниттэн муус устар 4 күнүгэр диэри сайаапкаҕытын, кыттааччы анкетатын, хаартыскаҕытын, социальнай бырайыаккытын ыытаргыт ирдэнэр.
Кыттааччылары бэлэмнээһин 2024 сыл муус устар 5-12 күннэригэр барыаҕа. Түмүктүүр түһүмэх муус устар 12 күнүгэр Ю.А.Гагарин аатынан Култуура уонна аныгы ускуустуба киинигэр буолуоҕа.
Докумуоннаргытын vospit_irpo@mail.ru электроннай буостаҕа “Заявка” диэн бэлиэтээн ыытаргыт наада. Күрэс балаһыанньатын туһунан сиһилии бу ыйыллыбыт сигэнэн билсиэххитин сөп.
Өлүөхүмэ улууһугар саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин…
Дьокуускай куорат уокуругун үс оскуолатыгар саҥа дириэктэрдэр ананнылар. Дьокуускай куорат 17-с №-дээх орто уопсай үөрэхтээһин…
Саха сиригэр биир нэһилиэк урукку баһылыгар муниципалитет баайын-дуолун сымыйанан учуоттан уһулан, бэйэтигэр иҥэриммитигэр бириигэбэр сокуоннай…
«Аҕа дойдуну көмүскээччилэр» судаарыстыбаннай пуонда Саха сиринээҕи салаатын үлэтэ саҕаланыаҕыттан, 11,5 тыһыынчаттан тахса киһиттэн, ол…
2022 сылтан төрүт култуураны тарҕатааччыларга Ил Дархан истипиэндьийэтэ бэриллэр буолбута. Бу кэмтэн уопсайа 81 киһи…
Үөһээ Бүлүү улууһугар ыытыллар «Тыа сирин оскуолата уонна Үөрэх маарката-2025» XXI өрөспүүбүлүкэтээҕи педагогическай дьаарбаҥкаҕа Саха…