Хаартыска: sakha.gov.ru
Кулун тутар 5 күнүттэн СӨ Национальнай художественнай түмэлигэр Монголия биллиилээх аныгы кэмин живописецтара – Амгаланбаатарын Сонинбаяр, Норовпэлжээгийин Мунхбат, Батбаатарын Цолмонбаяр, Энхбаярын Ганзориг “Номох” быыстапкалара үлэтин саҕалыаҕа.
Тэрийээччилэр этэллэринэн, «Номох» быыстапка Саха сирин олохтоохторун көс омук күүһүн-уоҕун, санаата күүһүн, кэрэтин, дьолун иҥэриммит үлэлэрин кытта билиһиннэриэҕэ. Монгол ускуустубата көс омук култууратын, буддизм, ойууннааһын, былыргы сэһэннэрин, ырыаларын, остуоруйаларын уонна да атын норуот тылынан айымньыларын сабыдыалынан, ону тэҥэ балачча улахан өттө декоративнай-прикладной ускуустуба истиилин уонна эстетикатын дьайыытынан сиппитэ-хоппута.
Көрөөччүлэр “Монгол Зураг” диэнинэн биллэр монгол ойуулуур-дьүһүннүүр ускуустубатын ураты хайысхатын көрүөхтэрэ. Худуоһунньуктар номох буолбут былыргы сэһэннэри аныгы кэм тыынынан саҥалыы быһааран өйдүүллэр уонна тулалыыр эйгэни кытта көҥүл, эр санаа, духуобунас, историческай нэһилиэстибэ тиэмэлэрин саҥаттан көрөллөр. Кинилэр живопись уонна графика тылынан саҥа уобарастары айан, бэйэлэрин устуоруйаларын кэпсээн, формалары уонна өҥнөрү наардаан холоон көрөртөн толлубаттар. Бу синтез Монголия ускуустубатын аан дойду көрөөччүлэригэр хатыламмат уонна интэриэһинэй оҥорор, диэн иһитиннэрэр Ил Дархан, бырабыыталыстыба пресс-сулууспата.
Быыстапка Национальнай художественнай түмэл Быыстапкалыыр саалатыгар кулун тутар 5-20 күннэригэр үлэлиэҕэ. Аадырыһа: Дьокуускай к., Киров уул., 12, 2-с этээс (“Комдрагметалл” дьиэтэ).
Тэрийээччилэринэн СӨ Национальнай художественнай түмэл, Монгол-Саха бииргэ үлэлэһэр уопсастыбата (Монголия), Монголия Худуоһунньуктарын уонна маастардарын сойууһа, СӨ Тас сибээстэһиилэргэ, норуоттар дьыалаларыгар министиэристибэтин өйөбүлүнэн Саха сирин Худуоһунньуктарын сойууһа.
Дьокуускай куоракка бэс ыйын 16 күнүгэр 6 суол быһылаана таҕыста. Биэс киһи эчэйиини ылбытын туһунан…
— Малы-салы кирилиэс эҥин анныгар уурар көҥүллэнэр дуо? Стручковтар. “Объясняем.РФ” саайт маннык сүбэни биэрбит: — Дьон бэйэлэрин…
СӨ Уопсастыбаннай палаататын бэрэссэдээтэлэ Станислав Иванов "Саха сирэ - дьоруойдар сирдэрэ" бырагырааманы инникилээх диэн этэр. …
Дьокуускайга полиция 2-с нүөмэрдээх отделыгар баан каартатын сүтэрбит эр киһиттэн сайабылыанньа киирбит. Ол курдук сүтэрбит…
Ааспыт сууккаҕа өрөспүүбүлүкэҕэ буруйу оҥоруу 10 түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай…
Сунтаарга Сергей Зверев-Кыыл Уолун үбүлүөйдээх сылыгар өрөспүүбүлүкэтээҕи ыһыах бэс ыйын 20-21 күннэригэр ыытыллыаҕа. Дьэ, Дьокуускай…