Хаартыска: Андрей Сорокин, СИА.
Бэҕэһээ, ыам ыйын 9 күнүгэр, урукку сыллардааҕар үс күнүнэн эрдэлээн Ленскэй куорат аннынан өрүс эһиннэ. Муус алын өттө Ленскэй улууһун Ленскэй куорат аннынан, үөһэ өттө — Ленскэй улууһун Хамра сэлиэнньэтигэр, муус сэдэхтик устар.
Уу кутталлаах кирбиигэ тахсыыта бэлиэтэммэт. Муус 73 км сиринэн тайаан устар, суукка устата 73 км сыҕарыйбыт. Өлүөхүмэ куорат аннынан ыам ыйын 10-11 күннэригэр эстиэ диэн сабаҕалыыллар.
Амма өрүскэ муус хойуутук Амма, Чурапчы, Таатта улуустарынан устар. Муус барыытын аллараа өттө Таатта улууһун Даайа Амматыттан аллараа 17 км сиргэ бэлэтэнэр, муус хойуу. Муус үөһэ өттө Амма улууһун Төгүлтэ сэлиэнньэтинэн сэдэхтик устар. Уу кутталлаах таһымҥа тиийэ илик. Муус 479 км сиринэн устар, суукка устата 70 км сыҕарыйбыт.
Березовка өрүс нуорматтан 9 суукка эрдэлээн, ыам ыйын 9 күнүгэр Орто Халыма улууһун Березовка сэлиэнньэтигэр эһиннэ. Уу таһыма 713 см, кутталлаах таһым – 1000 см., муус хойуутук устар.
“Суукка устата суһал бөлөхтөр Өлүөнэ, Алдан, Амма өрүстэр гидрологическай туруктарын кэтээн көрдүлэр, Арассыыйа ЫБММ селекторынан мунньаҕар кытыннылар, БАС туһанан харыан сөптөөх учаастактары баран көрдүлэр, нэһилиэнньэ ортотугар сэрэтэр үлэни ыыттылар” – диэн СӨ ЫБММ кылаабынай управлениетын начаалынньыга Павел Гарин бэлиэтиир.
РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин боломуочуйалаах бэрэстэбиитэлэ Юрий Трутнев «Россия-24» ханаалга интервью биэрдэ,…
2026 сыл тохсунньу 1 күнүттэн Арассыыйаҕа үс сыллаах эксперимент саҕаланыаҕа, ол түмүгэр бэйэ дьарыктаах дьон…
Өлүөхүмэ улууһун I Нөөрүктээйи нэһилиэгэр кыс ортото лыах тиллибитэ ый буолла. Маныаха учуонайдар көрүүлэрэ хайдаҕый?…
Дьокуускай куоракка полицейскайдар балыыһаҕа киирбит табаарыһын каартатыттан мөлүйүөн аҥаара харчыны уорбут киһини туттулар. Бу туһунан…
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…