Саха сиригэр Музыка үрдүкү оскуолата 2026 сылга саҥа дьиэлэниэҕэ

РФ бэрэсидьиэнэ Владимир Путин бэҕэһээ Уһук Илин эрэгийиэннэр куораттарын сайдыытыгар ыыппыт мунньаҕар Саха сиригэр Музыка үрдүкү оскуолатын комплексын ситэрэн биэриини Арассыыйа бырабыыталыстыбата хонтуруолга ыларыгар сорудахтаата.

“Саха сиригэр Музыка үрдүкү оскуолатын комплекса былааннанан турар. Бу тутуулары бырабыыталыстыба тус хонтуруолугар илдьэ сылдьарыгар көрдөһүөм этэ. Оҕолор аныгылыы киэҥ-куоҥ, үөрэнэргэ табыгастаах оскуолаҕа үөрэнэллэрин туһугар тутуулары 2026 сылга диэри олоххо киллэриэххэ диэн этиилээхпин. Тус бэйэм бу оскуолаҕа сылдьыбытым. Саха сирин курдук тыйыс усулуобуйалаах дойдуга оҕолор хайдахтаах курдук дьарыктаналларын көрөн сөҕөн турабын”, — диэн иһитиннэрэр Владимир Владимирович.

Санатан эттэххэ, Музыка үрдүкү оскуолата Саха сирин Бастакы бэрэсидьиэнэ Михаил Николаев ыйааҕынан 1993 сылтан саҕалаан үлэлиир. Бастакы ректорынан САССР, РФ култуураларын үтүөлээх үлэһитэ, П.А.Ойуунускай аатынан Судаарыстыбаннай бириэмийэ лауреата Василий Босиков анаммыта. Оскуолаҕа Саха сирин бары муннугуттан талааннаах оҕолор үөрэнэллэрин таһынан, манна аан дойдуттан оҕолор кэлэн музыкаҕа уһуйуллан бараллар.