Саха сиригэр нацбырайыактар көмөлөрүнэн 200 тахса эбийиэк тутулунна

Саха сиригэр Бэрэсидьиэн национальнай бырайыактарын көмөтүнэн 200 тахса эбийиэги үлэҕэ киллэрдилэр. Бу туһунан өрөспүүбүлүкэ Бырабыыталыстыбатын Бэрэссэдээтэлин бастакы солбуйааччы Дьулустаан Борисов эрэгийиэн Борокуратууратын биэдэмистибэлэр икки ардыларынааҕы мунньаҕар иһитиннэрдэ.

«Социальнай эйгэҕэ элбэх эбийиэк киирдэ:доруобуйа харыстабылын 78 тэрилтэтэ уонна 44 оскуола. 750 ьыһыынча кв.миэтэрэ аныгы олорор дьиэ-уот. 46890 киһи саахалланар туруктаах дьиэттэн көһөрүлүннэ. Иһэр уунан хааччыйар 13 эбийиэк тутулунна. 1417 суолу оҥордулар»— диэтэ Дьулустаан Борисов.
Ол курдук, алта сыл устата 235 млрд солкуобай тардылынна.Бу Арассыыйа Бэрэсидьиэнин күүстээх өйөбүлүн көрдөрөр»,— бастакы вице-премьер.

Борокуруор эбээһинэһин толорооччу Сергей Губин кэтээн көрөр уорган национальнай бырайыактары арыаллаан, дьон быраабын уонна бүддьүөт үбүн көмүскээһини хааччыйарын бэлиэтээтэ.

«Биһиги үлэбит көмөлөһөр тосхоллоох.Хантараактары толорууга дьайар миэрэлэр үтүө суобастаах урбаанньыттарга хааччахтары үөскэтиэ суохтаах. Ол эрээри уоран сиэһин уонна эппиэтинэһэ суох көстүү баар буоллаҕына холуобунай эппиэтинэскэ да тиэрдиллиэн сөп»,— диэтэ Сергей Губин.

Мунньах кэмигэр доруобуйа харыстабылыгар, дьиэни тутуу уонна атын да бырайыактар туолууларын ырыттылар.

Санаттахха, Арссыыйаҕа 2025 сылтан саҥа национальнай бырайыактары олоххо киллэрии саҕаламмыта. Бэрэсидьиэн 20 саҥа национальнай бырайыактары көҕүлээбитэ, итинтэн 12 өрөспүүбүлүкэ кыттар. Балары олоххо киллэриигэ 2025 сылтан 2027 сылга диэри112,7 млрд солк.ыытыллыаҕа.

Саха Өрөспүүбүлүкэтин Ил Дарханын уонна

Саха Өрөспүүбүлүкэтин Бырабыыталыстыбатын пресс-сулууспата