Хаартыска: А.Сорокин (СИА)
Ил Дархан Айсен Николаев Уус Маайа улууһугар оробуочай сырыытыгар эрэгийиэннээҕи бырагыраамаларынан уонна национальнай бырайыактарынан тутуллар эбийиэктэри көрдө.
Саха сиригэр тутуу сезонун үгэнигэр Ил Дархан муниципалитеттарга сылдьан үлэ хаамыытын бэрэбиэркэлиир. Саха сирэ 12 национальнай бырайыакка кыттар. РФ субъектарын салайааччылара бырайыактар олоххо киллэриллэллэрин хонтуруоллааһыҥҥа быһаарар оруоллаахтар.
Ленскэй кулууп Эрэгийиэн кыһалҕаларын институтун наукаҕа салайааччыта, РФ бырабыыталыстыбатын иһинэн Үп университетын доцена Дмитрий Журавлевы кытары кэпсэттэ.
— Саха сирин баһылыга эрэгийиэҥҥэ национальнай бырайыактар эбийиэктэригэр болҕомто уурара – көдьүүс кумааҕыга эрэ буолбатаҕын бэрэбиэркэлээһин, — диэн эттэ.
Уһук Илин туһунан этэр буоллахха, Саха сирэ көрүллүбүт үп кээмэйинэн уонна национальнай бырайыактар бүддьүөттэрин толорууга инники иһэр. 2019-2022 сылларга национальнай бырайыактары олоххо киллэрэргэ 121 миллиард солкуобай бэриллибитэ. Быйыл бэриллэр суума 187 миллиардка тиийэ улаатыаҕа.
Ил Дархан Уус Маайа улууһугар “Доруобуйа харыстабыла” национальнай бырайыагынан тутулла турар үс мэндиэмэннээх балыыһа комплексыгар сырытта. Комплекс тутуллан бүттэҕинэ, үрдүк технологиялаах тэриллэринэн: көмпүүтэр томографиятынан, рентген тэрилинэн, кислород ыстаансыйатынан хааччыйыахтара. Бу мэдиссиинискэй тэриллэри балааталарга, реанимация, эпэрээссийэ уонна оҕо төрөтөр отделениеларга холбуохтара.
Айсен Николаев бэлиэтээн эппитинэн, бу улуус олохтоохторо үрдүк таһымнаах уонна анал мэдиссиинэ көмөтүн миэстэтигэр ылалларын туһугар оҥоһуллар.
Ону таһынан “Олорор дьиэ уонна куорат эйгэтэ” национальнай бырайыагынан олоххо киллэриллэр, саахалланар кутталлаах дьиэттэн дьону көһөрүүгэ өрөспүүбүлүкэтээҕи аадырыстаммыт көмө баар. Петропавловскай сэлиэнньэтигэр үс мэндиэмэннээх элбэх кыбартыыралаах үс дьиэ тутуллар. Манна 500 кэриҥэ киһи көһөн киириэҕэ. Бастакы дьиэни бу сыл алтынньытыгар хайыы үйэ бүтэриэхтэрэ.
2019 сылтан национальнай бырайыактарынан тутуу уонна саахалланар кутталлаах дьиэттэн дьону көһөрүү тэтимэ 13 төгүл түргэтээтэ.
Атын үчүгэй көрдөрүүлэр атын эйгэлэргэ эмиэ бааллар.
“Экэниэмикэ туһунан этэр буоллахха, былаас туруорбут соруктара федеральнай бырагыраамаларга сөп түбэһэллэр. Олох таһымын үрдэтии эбэтэр тырааныспары сайыннарыы, олорор дьиэни тутуу тэтимин күүһүрдүү – бу барыта национальнай бырайыактар. Манна өссө социальнай көрдөрүүлэр – демография, үөрэхтээһин эбиллэллэр”, — диэн Дмитрий Журавлев быһаарда.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…