Саха сиригэр наркотигынан эргинэр ситими тэрийбит дьону ФСБ тутта

Арассыыйа ФСБ-тын Саха сиринээҕи управлениета наркотигынан эргинии тула суһал тэрээһиннэри ыытар. Эпэрээссийэ түмүгэр наркотигынан эргиниини тэрийбит киһини уонна тоҕус манна үлэлиир киһини туппуттар диэн биэдэмистибэ пресс-сулууспата иһитиннэрэр.

Силиэстийэ дааннайдарынан, Татарстан Өрөспүүбүлүкэтин олохтооҕо Нерюнгрига, Алдаҥҥа уонна Амрускай уобалас Тындатыгар наркотигы хантаага суох атыылыырга диэн интэриниэт-маҕаһыыны арыйбыт. Наркотигынан эргинэн дохуоттанаары бөлөх тэриммит, манна киирбит хас биирдии киһи туспа функциялары толорбуттар: тэрийээччиттэн саҕалаан маҕаһыын салайааччыта, курьер, вербовщик диэн үллэстибиттэр. Бэйэ-бэйэлэрин кытта мессенджер нөҥүө сымыйа ааттарынан кэпсэтэ сылдьыбыттар.

Нерюнгрига баар биир курьер көхтөөх үлэтин иһин «куратор-вербовщик» диэн дуоһунаһын үрдэппиттэр.

ФСБ үлэһиттэрэ суһал-ирдиир үлэлэри ыытан, алта киилэттэн тахса наркотигы, 450 доза психоделическэй бэссэстибэни уона 50 мөл.солк. уу харчынан булбуттар.

Бу уон тутуллубут киһиэхэ холуобунай дьыалалар тэриллибиттэр.