Саха сиригэр «Народный участковый-2024» куонкурус иккис түһүмэҕэ саҕаланна

Бүгүн «Народный участковый» Бүтүн Арассыыйатааҕы куонкурус иккис эрэгийиэннээҕи түһүмэҕэ саҕаланна диэн ИДьМ Саха сиринээҕи салаата иһитиннэрэр.

Өрөспүүбүлүкэ олохтоохторо эрдэ онлайн-куоластааһыҥҥа кыттан саамай элбэх баалы ылбыт 8 кыттааччыны талбыттара.

Оттон бүгүҥҥүттэн саҕаламмыт иккис түһүмэххэ алтынньы 16 күнүгэр диэри ИДьМ Саха сиринээҕи салалтатын саайтыгар куоластаан биир кыайыылааҕы талыахтара. СӨ ИДьМ  бастыҥ участковайа Бүтүн Арассыыйатааҕы куонкурус түмүктүүр түһүмэҕэр кыттыаҕа. Бу куонкуруска бастыҥ участковайдар дойду бары эрэгийиэннэриттэн кыттыахтара.