Хаартыска: Успуорт министиэристибэтэ
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон ахсаана 62,5%-ҥа диэри үрдээтэ — сыл саҕаланыытыгар 60,2% этэ.
Физическэй култуураҕа уонна успуорка министиэристибэтин коллегиятын кэҥэтиллибит мунньаҕар сыл түмүктэрин таһаардылар диэн биэдэмистибэ пресс-сулууспата иһитиннэрэр.
Дьон успуорт эбийиэктэринэн хааччыллыытын таһыма — 62,1%, 2019 сылы кытта тэҥнээтэххэ, көрдөрүү 17,1%-нан үрдээбит. Ол курдук, 2019 сылтан 2025 сылга диэри өрөспүүбүлүкэҕэ 44 успуорт эбийиэгэ үлэҕэ киллэрилиннэ. «Успуорт – олох нуормата» федеральнай бырайыак чэрчитинэн аҕыс успуорт эбийиэгэ тутулунна, бары 36 муниципальнай оройуоннарга уонна куорат уокуруктарыгар 37 ГТО кыра успуорт былаһаакката оҥоһулунна. Ону таһынан «Дохсун» успуорт уораҕайыгар оҥоһуу футбол хонуутун кэмпилиэгэ уонна олимпийскай эрэл училищетигар аһаҕас халлаан аннынааҕы физкултуурунай-чэбдигирдэр комплекс туруорулуннулар.
Миниистир Леонид Спиридонов бэлиэтээбитинэн, быйыл 300 тыһыынчаттан тахса кыттааччыны түмпүт 583 тэрээһин ыытылынна. Сыл биир сүрүн тэрээһининэн 1521 күрэсчит кыттыылаах, Ытык Күөлгэ ыытыллыбыт «Манчаары оонньуулара» XXII Спартакиада буолла. Успуорка министиэристибэтин 2025 сыллааҕы Биир кэлим халандаарынан былааныгар киирбит 34 успуорт трээһинэ үрдүк тэриллиилээхтик ыытылынна.
Миниистир этэринэн, 2026 сыл итинтэн итэҕэһэ суох өссө күүрүүлээх буолуоҕа. Салаа сүрүн көрдөрүүтүн – дьон физическэй култууранан уонна успуордунан дьарыктанар усулуобуйаларынан астыныыларын таһымын үрдэтиигэ ураты болҕомто ууруллуоҕа. Леонид Спиридонов муниципальнай тэриллиилэри бу көрдөрүүнү бэйэлэрин стратегическай докумуоннарыгар уонна бырагыраамаларыгар киллэрэллэригэр ыҥырда.
Тэрээһин РФ Бэрэсидьиэнэ Владимир Путин көҕүлээбит «Арассыыйа успуорда» федеральнай судаарыстыбаннай бырагырааматын сыалларын уонна соруктарын толорууга туһуланар. Сиһилии манна ааҕыҥ: https://www.sakha.gov.ru/news/1754
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…