Хаартыска СӨ Бырабыыталыстыбатын пресс-сулууспатыттан
Ил Түмэн XV (уочараттаах) пленарнай мунньаҕар норуот дьокутааттара «СӨ нолуок бэлиитикэтин туһунан» эрэгийиэннээҕи сокуоҥҥа уларытыылары ылыннылар.
Көннөрүүлэр барыс нолуогар, тэрилтэлэр баайдарын нолуоктарыгар, тырааныспар нолуогар уонна нолуок патентнай тиһигэр сыһыаннаахтар. Сокуон барылынан, 2026 сылтан 2030 сылга диэри гаас мотуордаах уматыкка көһөрүллүбүт тырааныспардарга уонна пассажирдары бэрээдэктэммит тарыыбынан таһыынан дьарыктанар тэрилтэлэргэ нолуок сууматыттан 50% тырааныспар нолуогар чэпчэтии туттуллуутун уһатыы буолар.
Геологическай чинчийэр үлэни көҕүлүүр сыалтан 2026 сылтан геологическай чинчийэр үлэни ыытар уонна «Геология: возрождение легенды» федеральнай бырайыагы олоххо киллэриигэ кыттар тэрилтэлэргэ тырааныспар нолуогар уонна баайга-дуолга чэпчэтиилэр олохтоммуттара. «Өйөбүл биир улахан дьаһалынан чэпчэки, ювелирнай уонна маһы таҥастыыр бырамыысыланнас тэрилтэлэрин баайдарын-дуолларын нолуогун төлөөһүнүттэн босхолонуу буолар. Бу дьаһал олохтоох оҥорон таһаарыыны сайыннарыыга көмөлөһөр сыалтан олоххо киирдэ. Итини сэргэ нолуоктааһын патеннай тиһигэр үлэ көрүҥнэрин испииһэгэр нэһилиэктэргэ уу харчыны ылыыга уонна биэриигэ баан агеннарын эбэтэр субагеннар өҥөлөрө киллэриллиэхтэрэ, ити тыа сиригэр нэһилиэнньэҕэ үп-харчы өҥөтө тиийэр кыаҕын үрдэтиэҕэ», — диэн СӨ экэниэмикэҕэ миниистирэ Петр Попов тоһоҕолоон бэлиэтээтэ.
Сиһилии: https://www.sakha.gov.ru/news/16028
Ил Түмэн XV (уочараттаах) пленарнай мунньаҕар норуот дьокутааттара «СӨ үөрэх туһунан» өрөспүүбүлүкэтээҕи сокуон 17 уонна…
Бүгүҥҥү Ил Түмэн 15-с уочараттаах пленарнай мунньаҕар Судаарыстыбаннай Дуума дьокутаата Галина Данчикова кыттыыны ылла. Кэлэр…
Тууһу аһылыкка эрэ туттубаттар. Туус тулалыыр эйгэттэн үчүгэйи-куһаҕаны, араас эниэргийэни бэйэтигэр оборон ылар идэлээх. Ол…
Ил Түмэн пленарнай мунньаҕар норуот дьокутааттара «Саха Өрөспүүбүлүкэтин 2026 сыллааҕы уонна 2027-2028 сс. былааннаммыт кэмигэр…
Бүгүн Ил Түмэн уочараттаах мунньаҕар 41 боппуруоһу көрдүлэр. Билиҥҥи уустук балаһыанньаҕа СӨ 2026 сыллааҕы бүддьүөтэ…
Ил Түмэн уон бэһис (уочараттаах) пленарнай мунньаҕар Саха Өрөспүүбүлүкэтин административнай кэһиилэр туһунан Кодексатыгар уларытыылары киллэрии…