Хаартыска: Андрей Сорокин, СИА.
Саха сиригэр Новоленскай тепловой электро-ыстаансыйа тутуута саҕаланна. Арассыыйатааҕы таһымнаах, аныгы энергетика бырайыага Ленскэй оройуонугар арыллыаҕа. Ыстаансыйа үлэҕэ киирдэҕинэ өрөспүүбүлүкэ тэрилтэлэрэ эрэ буолбакка, ыаллыы сытар эрэгийиэннэр эбийиэктэрин үлэтэ эмиэ тупсуоҕа.
Новоленскай тепловой электро-ыстаансыйа 550 МВт күүстээх буолуоҕа. Эбийиэги тутуу кэмигэр 1500-чэ саҥа үлэ миэстэтэ тэриллиэҕэ. ТЭС үлэҕэ киирбитин кэннэ үлэһит ахсаана 500-чэ киһи буолуохтаах. Ыстаансыйа 2028 сылга үлэҕэ киирэрэ былааннанар.
Бастакы сыбаайа түһэриитигэр Ил Дархан Айсен Николаев, «Интер РАО» хампаанньа генеральнай дириэктэрэ Борис Ковальчук уонна АЛРОСА хампаанньа генеральнай дириэктэрэ Павел Маринычев кыттыыны ыллылар.
«Энергиянан эрэллээхтик хааччыйыы — биһиги улахан уонна ыраах сытар эрэгийиэммит экэниэмикэтин сайдыытыгар улахан суолталаах. Кэлэр сылларга өрөспүүбүлүкэ энергетическэй каркааһын күүһүрдэргэ дьоһуннаах сыал-сорук туруорунабыт. Ленскэй оройуонугар тутуллар ыстаансыйа Саха сирин арҕаа өттүн, ону таһынан Иркутскай уобалас уонна Бурятия энергиянан хааччыллыыларын эрэллээх буолуутун улаатыннарыаҕа», — диэн Айсен Николаев бэлиэтээтэ.
Мииринэй куорат 60 саастаах олохтооҕо түөрт киһини өлөрөн сууттанна. Бу туһунан СӨ Борокуратуурата иһитиннэрэр. 2023…
Хомсомуол үгүс көлүөнэ ыччакка эдэр саастарын аргыһа буолан, сыллар аастахтарын аайы күндүтүйэн иһэр өйдөбүл. …
— Оҕом Казахстаҥҥа төлөбүрдээх үөрэххэ киирбитэ. Онно нолуок вычетын хайдах төннөрүөххэ сөбүй? Төрөппүт ыйытыытыгар Арассыыйа ФНС…
Сэтинньи 6 күнүгэр үлэ бэтэрээнэ, СӨ култууратын үтүөлээх үлэһитэ, Тыл билимин хандьыдаата, Арассыыйа Бэдэрээссийэтин Билимин…
Норуоттар сомоҕолоһууларын күнүн көрсө, сэтинньи 2 күнүгэр “Арассыыйа – мин устуоруйам” түмэлгэ “Этнография улахан дьыктааныгар”…
Быйылгы кыстыкка Мэҥэ Хаҥалас улууһун “Тарат” кэпэрэтиибэ 64 тиҥэһэни атын хаһаайыстыбалартан атыыласта. Ол курдук, Бүлүүттэн…