Хаартыска: СИА
Ил Түмэҥҥэ бүгүн, муус устар 25 күнүгэр, XII уочараттаах пленарнай мунньаҕа ыытылла турар.
Бастакы күн, муус устар 24 күнүгэр, ыытыллыбыт пленарнай мунньахха ОДЬХ комплексын боппуруостарыгар СӨ Бырабыыталыстыбатын чааһа, СӨ Счетнай балаататын уонна Киһи быраабыгар боломуочунайын 2024 сыллааҕы ыыппыт үлэлэрин отчуоттарын көрдүлэр. Бэбиэскэнэ барыта 16 боппуруос көрүлүннэ. Ону сэргэ Хаҥалас 34 №-дээх суут учаастагын мировой судьуйата талылынна. Евгений Калачевы талар иһин 55 дьокутаат куоластаата.
Саха сиригэр ОДьКХ комплексын эйгэтигэр 2030 сылга өрөспүүбүлүкэ бүдьүөтүттэн субсидия улаатыытын кээмэйин намтатар туһугар ыытыллар тэрээһиннэр былаана бэлэмнэннэ. Бу туһунан парламент спикерэ Алексей Еремеев кэпсээтэ.
Ил Түмэҥҥэ пленарнай мунньах иһинэн бырабыыталыстыба чааһыгар ОДьКХ комплексын тэрилтэлэригэр субсидияны улаатыннарар дьаһаллар тустарынан этилиннэ. Дакылааты СӨ премьер-миниистирэ Кирилл Бычков оҥордо.
Алексей Еремеев Ил Дархан Айсен Николаев бу хайысхаҕа анал хамыыһыйаны тэрийбитин бэлиэтээтэ. Онно министиэристибэлэр бэрэстэбиитэллэрэ, ону тэҥэ араас оробуочай бөлөхтөргө киирбит биэс норуот дьокутааттара киирдилэр.
«Сүрүннээн 2030 сылга ОДьКХ комплексыгар анаан судаарыстыбаннай бүддьүөттэн субсидия улаатыытын кээмэйин балачча намтатарга тэрэһиннэр былаана бэлэмнэннэ. Маны сэргэ Бырабыыталыстыба чааһын чэрчитинэн 2024 сылга саҕаламмыт уонна 2025 сылга көспүт уустук балаһыанньа дьүүллэһилиннэ. Биһиги өрөспүүбүлүкэ парламенын быһыытынан тэрилтэҕэ улахан иэс харчы үөскээбитэ долгутар. Өрөспүүбүлүкэ Бырабыыталыстыбата балаһыанньаны хонтуруолга ылбытын уонна 2025-2026 сс. оттук сезонугар сөптөөх бэлэмнэнии үлэтэ ыытылларыгар эрэннэрдэ», — диэтэ Алексей Еремеев.
Икки биэнсийэни кимнээх ылалларый? Бу туһунан объясняем.рф быһаарар. [gallery ids="242654,242655,242656,242657,242658,242659,242660,242661"]
Хой Элбэҕи былаанныыгын уонна санааҥ күүһүн ситэри тиэрдибэккин. Санааҕын ууран ылыстаххына, үтүө түмүктэри аҕалыаҕа. Ол…
Бүгүн, балаҕан ыйын 19 күнүгэр, Саха сирин үгүс улуустарыгар быстах ардыыра, сорох сирдэринэн инчэҕэй хаар…
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…