Хаартыска: М.Васильева (СИА)
Ис дьыала министиэристибэтин экэниэмикэҕэ куттал суох буолуутугар уонна коррупцияны утары охсуһууга управлениетын үлэһиттэрэ оҕону иитиигэ бэриллэр көмө харчыга түөкүннээһин чахчыларын арыйдылар.
Ол эбэтэр, 2023 сыллаахха Арассыыйа Федерациятын гражданствотын ылбыт Киргизия олохтооҕо матырыйаалынай балаһыанньатын тупсарар туһугар, Табаҕа бөһүөлэгин биир дьиэтигэр сымыйанан бырапыыскаламмыт. Ол кэнниттэн 17 сааһыгар диэри оҕону иитиинэн сибээстээн ый аайы бэриллэр төлөбүрү ыларга социальнай страховка өрөспүүбүлүкэтээҕи пуондатыгар докумуоннарын туттарбыт.
Дьиҥэр, дьахтар атын эрэгийиэҥҥэ олорбут, ол эрээри туттарбыт докумуоннарыгар олоҕуран, 2023 сыл ыам ыйыттан 2024 сыл ыам ыйыгар диэри социальнай страховка пуондатыттан сокуону кэһэн туран, уопсайа 270 тыһыынчаттан тахса суумалаах төлөбүрү ыла сылдьыбыт.
Оттон Киргизия өссө биир олохтооҕун түүөкүннээһинин бу сыл бэс ыйыгар буллулар. Кини 2017-2024 сылларга атын дойдуга олорон эрэ, 1 мөлүйүөнтэн тахса суумалаах харчыны ыла сылдьыбыт.
Бүддьүөт үбүн хорон сиэһин иһин РФ Холуобунай кодексатын 159.2 ыстатыйатынан холуобунай дьыала тэрилиннэ. Силиэстийэ салгыы үлэлиир уонна суһал-көрдүүр тэрээһиннэр ыытыллаллар.
ИДьМ пресс-сулууспата
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыр олохтооҕун наҕараадалыахтара диэн…
Эдьигээн оройуонугар аварийнай-чөлүгэр түһэрэр үлэни ыытыыга Ил Дархан Айсен Николаев ахсынньы 5 күнүгэр киэһэ ыксаллаах…
Бүгүн эрэл, таптал уонна үөрүү күнэ. Чугас дьоҥҥутун кытта бииргэ буолуҥ, үтүө санааҕытын кытта үллэстиҥ.…
Бүгүн Дьокуускай куоракка Преображенскай таҥара дьиэтигэр православнай итэҕэллээхтэр мустуохтара. Бу сарсыарда 10:00 чааска Ороһуоспа иннинээҕи …
Бүгүн, тохсунньу 6 күнүгэр, норуот суруйааччыта, СӨ ускуустубатын үтүөлээх диэйэтэлэ, П.А.Ойуунускай аатынан Судаарыстыбаннай бириэмийэ лауреата…
Бүгүн, тохсунньу 6 күнүгэр, Саха сирин синоптиктара кыралаан хаар түһэрин, үгүс оройуоннарынан сөҥүүтэ суох, нэһилиэктэринэн…