СӨ ИДьМ экэниэмикэҕэ куттал суох буолуутун уонна коррупцияны утары охсуһууга салалтатын үлэһиттэрэ оҕону иитиигэ босуобуйаны ылыыга түөкүннээһин чахчылара тахсыбытын быһаардылар. Бу туһунан ИДьМ Саха сиринээҕи салаатын пресс-сулууспата иһитиннэрэр.
Полицейскайдар быһаарбыттарынан, Дагестан олохтоохторо, тоҕус дьахтар, түөкүннүү быһыыны оҥороору, Дьокуускай куорат биир чааһынай дьиэтигэр олорор курдук регистрацияламмыттар, ол кэнниттэн социальнай страховкалааһын олохтоох пуондатыгар 17 саастарыгар диэри саастаах оҕолору иитиигэ ый аайы төлөнөр босуобуйаны ыларга докумуоннарын биэрбиттэр. Бу дьахталлар бэйэлэрин дойдуларыгар судаарыстыбаттан төлөнөр көмө үп-харчы кээмэйэ Саха сиригэр төлөнөртөн быдан намыһаҕын билэн туран, маннык түөкүннүүр санааҕа киирбиттэр.
Киһи сөҕүөн иһин, бу дьахталлар, Уһук Илин эрэгийиэҥҥэ да, Саха сиригэр да хаһан даҕаны олорботохтор, ол эрээри 2023 сыл кулун тутарыттан 2024 сыл от ыйыгар диэри социальнай страховкалааһын эрэгийиэнээҕи пуондатыттан сокуоннайа суох төлөбүрдэри ыла сылдьыбыттар. Кинилэргэ уопсайа 4,4 мөлүйүөн солкуобайдаах көмө оҥоһуллубут.
Бүддьүөт үбүн-харчытын уоруу чахчыларынан, Арассыыйа ИДьМ Саха сиринээҕи салаатын силиэстийэлиир чааһын силиэдэбэтэллэринэн бу дьахталларга РФ Холуобунай кодексын 159.2 ыстатыйатынан холуобунай дьыала тэрилиннэ.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…