1967 сыл ахсынньы 1 күнүгэр Оҕо өрөспүүбүлүкэтээҕи балыыһатыгар 40 куойкалаах оҕо хирургиятын отделениета аһыллыбыта. Бу сылтан отделениены Хабаровскайдааҕы мэдиссиинискэй институту бүтэрбит Виктор Феликсович Соболевскай салайбыта.
Биир идэлээхтэр Евгений Николаевич Пономарев, Эдуард Иванович Петухов, Валентин Николаевич Николаев, Альбина Александровна Николаева, Алексей Леонидович Зуев, Евгений Павлович Васильев, Нина Федоровна Степанюк, Валентина Алексеевна Саввина уо.д.а. оҕо хирурдарын ааттарынан киэн тутталлар.
Билигин Өрөспүүбүлүкэтээҕи 1 №-дээх балыыһа-Мэдиссиинэ Национальнай киинэ 7 анал: саҥа төрөөбүт оҕолорго хирургия куойкалардаах хирургия, гнойнай хирургия, оҕо гинекологията куойкалардаах урология, ортопедия-травматология, офтальмомикрохирургия куойкалардаах нейрохирургия, сыҥаах-сирэй хирургия куойкалардаах ЛОР, сүрэх-тымыр хирургията отделениелардаах. Онтон быйыл сэтинньигэ Оҕо амбулаторнай хирургиятын киинэ аһыллыбыта.
Оҕо хирурдара сылга ыарахан көрүҥнээх 4 тыһыынчаттан тахса араас эпэрээссийэни оҥороллор, 14 бөлөххө үрдүк технологиялаах мэдиссиинискэй көмө оҥоһуллар.
Оҕо хирургията 55 үбүлүөйдээх сылын биллэр ситиһиилэрлээх көрсөр. Ол курдук, эндовидеохирургическай ороһуу арааһа кэҥиир, миниинвазивнай технологиялар туһаныллаллар уо.д.а.
Үбүлүөй чэрчитинэн, Мэдиссиинэ национальнай киинигэр ыытыллыбыт маастар-кылаастарга, наука-быраактыка кэмпириэнсийэлэригэр, «төгүрүк остуолларга» Арассыыйа араас куораттарыттан оҕо хирургиятыгар биллэр-көстөр хирурдар уонна исписэлиистэр кытыннылар.
Ыалдьыттар Мэдиссиинэ киинин сэбилэниитин, оҕо хирурдара уустук эпэрээссийэни элбэхтик оҥороллорун, эпэрээссийэлэр хаачыстыбаларын, түмүк көрдөрүүлэрин үрдүктүк сыаналаатылар. Оҕо хирургиятын салаатыгар исписэлиистэр санааларын үллэһиннилэр, туһалаах үөрүйэхтэрин атастастылар.
Саха сирин доруобуйа харыстабылыгар миниистирин солбуйааччы Любовь Бурнашева оҕо хирурдарын Саха сиригэр оҕо хирургиятын 55 сылынан эҕэрдэлээн, бочуоттаах бэлиэлэри, грамоталары уонна махтал суруктары туттарда.
Бу сирдэргэ хаһан баҕарар сылдьыахха сөп, ол эрээри кутаа уотун оттор көҥүллэммэт. Дьокуускайга Кангаласс түөлбэтигэр…
Өрөспүүбүлүкэ күнүгэр Дьааҥы оройуонун бочуоттаах олохтооҕо, СӨ тыатын хаһаайыстыбатын бочуоттаах бэтэрээнэ Христина Чукрова өрөгөйдөөх 80…
Ыам ыйын бырааһынньыктарыгар Амур уобалаһыгар Саха сириттэн федеральнай Авиалесоохрана 50-тан тахса парашютиһын уонна десантнигын ыытыахтара. …
Бу күннэргэ Горнай улууһун Бэрдьигэстээх сэлиэнньэтин түөлбэлэрэ төрүт оҕунан ытыыга күрэхтэстилэр. Тэрээһин туһунан Бэрдьигэстээхтэн ыччат…
СӨ Үлэҕэ уонна социальнай сайдыыга миниистирэ Елена Волкова Өрөспүүбүлүкэ күнүгэр «Үйэ саас» бочуоттаах бэлиэни Федора…
Аллайыаха улууһун саамай түгэх сытар Бөрөлөөх нэһилиэгэр суолу баттаһа олохтоох дьаһалта сыллааҕы бэнсииннэрин аҕалтарда. Онон…