2024 сыл Саха сиригэр Оҕо саас сылынан биллэриллибитэ. Бу бэлиэ сыл былаанын СӨ Бырабыыталыстыбата кулун тутар 13 күнүгэр бигэргэттэ. Манна туох тэрээһин киирэр эбитий?
Былаантан көстөрүнэн, Оҕо саас сылын тэрээһинэ баай ис хоһоонноох буолсу. Ол курдук, оҕо сайдыыта, доруобуйата, үөрэҕэ, ситиһиитэ барыта хабыллар.
Былаан түөрт бастан турар: “Тас эйгэ”, “Эргимтэ –төрөппүт, дьиэ кэргэн, социум”, “Оҕону бары өттүнэн сайыннарыы, үөрэтии, иитии”, “Сүрүн тэрээһиннэр”. Хас биирдии баһы тэрээһиннэринэн “Куттала суох оҕо саас”, “Арктикаҕа Оҕо саас сыла”, “Оҕолоох ыал бигэ туруктаныыта”, “Үлэ чиэппэрэ”, “Личноһы сайыннарыы” тус сыллаах биэдэмэстибэннэй бырайыактарга тыырбыттар.
Биир бэйэм былааҥҥа аҥардас бырааһынньыктары эрэ буолбакка, оҕо көмүскэлигэр туһаайыллыбыт тэрээһиннэри кэрэхсии көрдүм. Холобур, “Оҕону быыһаа!” суһал-сэрэтэр тэрээһин иитинэн хабыр сыһыаны уонна табыллыбатах дьиэ кэргэни кытта үлэҕэ, ону туоратыыга туһаайыллар. Аны үөрэххэ ураты ирдэбили эрэйэр оҕолору көрөр соруктаах Арктика бары 13 улууһугар психологтар, миэдиктэр, педагогтар хамыыһыйалара тиийэрэ былааннанар эбит. Итиэннэ төрөппүттэри кытта киэҥ хабааннаах тэрээһиннэри ыытыыга, эппитинэстээх буолууга туһаайыллыбыт үлэлэр киирбиттэр. Ил Дархан иһитиннэрбит “Саха сирин кырачаан олохтооҕун каартата” бырайыагы олоххо киллэрии эмиэ киирэ сылдьар. Былаантан көрдөххө туһалаах хамсаныылар ыытыллаллара сабаҕаланар.
Биллэн турар, Оҕо саас сылын өрөспүүбүлүкэ министиэристибэлэрэ, биэдэстибэлэрэ бары кыттыһан ыытыахтара. Оҕо саас сылын былаанын сиһилии манна көрүҥ.
Халлааммыт сылыйан, күммүт уһаан, дьон-сэргэ аны хайдах сайын кэлэрин билиэн баҕарар. Үгэс быһыытынан, норуот синоптига…
Нэдиэлэ бастакы күнүгэр Саха сиригэр синоптиктар тугу билгэлииллэр? Саха сиригэр киин оройуоннарга, хотугулуу-арҕаа, соҕуруулуу-илин, Өлүөнэ…
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …