Саха сиригэр «Оҕолору оскуолаҕа бэлэмниибит» аһымал аахсыйа салҕанар

СӨ Үлэҕэ уонна социальнай сайдыыга министиэристибэтэ «Оҕолору оскуолаҕа бэлэмниибит» аһымал аахсыйаны саҕалаабыта. Хомуллубут мал-сал тулаайах оҕолорго, төрөппүттэрин көрүүтэ-истиитэ суох хаалбыт оҕолорго, итиэннэ олох ыарахаттарыгар түбэспит дьиэ кэргэттэргэ көмө быһыытынан барыаҕа диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрбитэ.

Аахсыйа иитинэн Дьокуускайга «Бубль Гум» маҕаһыыннарыгар оскуола тээбириннэрин хомуйар пууннар тэриллибиттэрэ.

Саха сирин олохтоохторо учуобунньуктары, тэтэрээттэри, уруучукалары, харандаастары, альбомнары, оскуолаҕа кэтэр таҥаһы-сабы, атах таҥаһын, үрүсээктэри уо.д.а. маҕаһыынтан тута атыылаһан, наадыйар оҕолорго көмө оҥоруохтарын сөп.

Пууннар аадырыстара:

«Бубль Гум» маҕаһыын,  «Улуру Молл» атыы-эргиэн киинэ, 2-с этээс, Кальвица уул., 14/5;
«Бубль Гум» маҕаһыын, Дзержинскэй уул., 71, 2-с этээс.