Саха сиригэр ойуур баһаара суох

Бүгүҥҥү күҥҥэ Саха сиригэр биир даҕаны ойуур умайа турбат. Бу туһунан бүгүн, атырдьах ыйын 12 күнүгэр, Экология министиэристибэтэ иһитиннэрдэ.

Баһаартан сэрэхтээх буолуу эрэсиимнэрэ Дьааҥы, Өлүөхүмэ, Чурапчы, Эбээн Бытантай улуустарыгар, итиэннэ Жатайга салҕаналлар.

Саха сиригэр баһаар сезона саҕаланыаҕыттан барыта 159 890,8 га иэннээх 310 ойуур баһаарын умуруорбуттар.