Саха сиригэр ойуур баһаардарыгар 150-тан тахса киһи үлэлиир

Саха сиригэр ойуур баһаардарын умуруорууга 154 исписэлиис үлэлиир диэн суһал ыстаап иһитиннэрэр.

Суукка иһигэр барыта холбоон 16 гектар иэннээх түөрт ойуур баһаарын умуруорбуттар. Ол эрээри бу кэмҥэ өрөспүүбүлүкэ сиригэр-уотугар өссө үс саҥа уот күөдьүйбүт.

Билигин барыта 2 939 иэннээх алта ойуур баһаара баар: түөрт — Дьааҥыга, икки — Эбээн Бытантайга.

Саха сиригэр баһаартан сэрэхтээх буолуу кэмэ саҕаланыаҕыттан барыта 49 ойуур баһаара уонна 128 ландшафтнай баһаар бэлиэтэммит.