Хаартыска sakha.gov.ru ылылынна
СӨ ЫБМ кылаабынай управлениетын начаалынньыгын солбуйааччы Григорий Колданов бэрэссэдээтэллээх СӨ Ыксаллаах быһыыны-майгыны сэрэтэр, туоратар уонна баһаартан куттал суох буолуутун хааччыйар суһал ыстаап хамыыһыйатын мунньаҕар бүгүн, от ыйын 13 күнүгэр, буолла.
Этиллибитнэн өрөспүүбүлүкэҕэ ойуур баһаарын 1 725 киһи уонна 137 тиэхиньикэ умуруорар. Ботурууллааһыҥҥа, кэтээн көрүүгэ алта салгын аала уонна уоту утары охсуһууга биэс бөртөлүөт үлэлиир.
Экология министиэристибэтин иһитиннэриитинэн, бүгүҥҥү күҥҥэ ойуур баһаарын утары охсуһааччылар күүстэринэн биир баһаар умуруоруллубут, биэс ойуур баһаара бохсуллубут.
Мунньахха СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников улуус баһылыктарын ойуур уотун умуруорууга уонна баһаар буолар түгэнигэр, суһаллык миэрэ ылалларыгар соруйда.
Өрөспүүбүлүкэ сиригэр-уотугар федеральнай уонна эрэгийиэн таһымнаах ыксаллаах быһыы-майгы эрэсиимэ салҕанар. Муниципальнай таһымнаах ыксаллаах быһыы-майгы эрэсиимэ алта улууска: Дьааҥыга, Үөһээ Бүлүүгэ, Нерюнгригэ, Өлүөхүмэҕэ, Томпоҕо уонна Уус Маайаҕа биллэриллибитэ.
СӨ Ил Дарханын уонна Бырабыыталыстыбатын пресс-сулууспата
Соторутааҕыта итиигэ буһан, сэрэхтээх эчэйиини ылан, Өрөспүүбүлүкэтээҕи 2 №-дээх балыыһа Ожоговай отделениетыгар эмтэннибит. Итиигэ буһууну…
Сэмэнчик сибээскэ тахсыбатаҕа хас да хоммутун туһунан сонуну истибиппит. Дьоно хамандыырын кытта кэпсэппиттэригэр: “Кэтэһэбит, арааһынай…
Кыбартыыра бас билээччитэ өлбүтүнэн нэһилиэстибэни ылыахха диэри онно регистрациялаах олохтоохтор, аймахтар уонна нэһилиэнньиктэр олорор бырааптара…
Былырыын Хэбэй акробатическай (цирковой) ускуустуба оскуолата Саха сириттэн 20 оҕону ылан үөрэтэргэ сөбүлэҥин биэрбитэ. Пекиннээҕи…
Ааспыт суукка иһигэр Саха сиригэр түөрт техногеннай баһаар тахсыбыта бэлиэтэннэ. Быһылааннар түмүктэригэр эчэйбит уонна өлбүт…
Балаҕан ыйа. Киһи ордук күһүҥҥү уһун киэһэлэргэ санааҕа-онооҕо ылларан, ханна эрэ сылаас дойдуга, саҥа эйгэҕэ,…