Саха сиригэр ойуур баһаарын бохсууга 600-тан тахса киһи үлэлиир

Бэс ыйын 12 күнүгэр Амма, Алдан, Бүлүү, Кэбээйи, Өлүөхүмэ, Томпо, Уус Маайа улуустарыгар уопсайа 34 тыһ.тахса га сиргэ 15 ойуур баһаарын умуруоруу үлэтэ ыытыллар. Бу туһунан Саха сирин Экологияҕа министиэристибэтигэр иһитиннэрдилэр.

Баһаары бохсууга 655 баһаарынайдар, 27 тиэхиньикэ, 18 салгын суудунулара уонна 7 бөртөлүөт тардылыннылар. Ойуур баһаарын кэмэ саҕаланыаҕыттан баһаарынай сулууспа тэрилтэлэрин күүстэринэн 81 ойуур баһаара умуорулунна.

Алдан, Амма, Үөһээ Бүлүү, Үөһээ Дьааҥы, Үөһээ Бүлүү, Кэбээйи, Өлүөхүмэ, Мэҥэ Хаҥалас, Нерюнгри, Нам, Орто Халыма, Сунтаар, Томпо, Хаҥалас, Уус Алдан улуустарыгар, ону тэҥэ Дьокуускай куоракка ураты ыксаллаах быһыы-майгы баһаарынай эрэсиимэ биллэриллибитэ.

Оттон Ил Дархан Айсен Николаев Ыйааҕынан бэс ыйын 11 күнүттэн Саха сиригэр эрэгийиэннээҕи ыксаллаах быһыы-майгы эрэсиимэ биллэриллибитэ.