Саха сиригэр ойуур баһаарын иэнэ 200 тыһ. гектарынан кыччаата

Суукка саҕаланыаҕыттан ойуур баһаарын иэнэ быһа холуйан 217 тыһ. гектарынан кыччатылынна.

Бу 45 ойуур баһаарын умуруоруу түмүгүнэн буоларын СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников этэр. Сарсыарда өрөспүүбүлүкэ сиригэр-уотугар 134 ойур баһаара (уот хаппыт уопсай иэнэ 897 тыһ.га) баар буоллаҕына, киэһээнэн уопсайа 680 тыһ.га иэннээх сири хаппыт 92 хаалбыт.

«Бу күннэргэ хас да улууска сөҥүү түстэ, ол балаһыанньа тупсарыгар көмөлөстө. Дьон-сэргэ да уоту умуруорууга туруулаһан, сыратын ууран үлэлиирин сыаналыахха наада. Суол-иис суох, уу-хаар чугас суох сирдэригэр сынньанан ыларга да бокуойдара суох уоту утары охсуһан сыралаһаллар«, — диир кини.

Салгыы зондировщик салгын аалын көмөтүн бэлиэтээтэ. Бүгүн биир көтөр аал Өлүөхүмэ улууһугар ардаҕы эмиэ күүһүртэ.

Үөһээ Бүлүү улууһугар балаһыанньа уустук, ардах түспэтэх. Маны сэргэ, Абый, Өлүөхүмэ улуустарыгар. Ол гынан баран, ханна да нэһилиэнньэлээх пууннарга куттал суоһаабат.

Суһал ыстаап иһитиннэрэринэн, баар баһаардартан  57 тыһ. га иэннээх сиринэн тайаабыт 16  ойуур баһаара бохсуллубут. Уоту умуруорууга 1744 киһи, 139 тиэхиньикэ, салгын аала үлэлэрин салгыыллар.

СӨ Ил Дарханын уонна Бырабыыталыстыбатын пресс-сулууспата