Хаартыска: SakhaGov
Ыксаллаах быһыыны-майгыны сэрэтиигэ уонна суох оҥорууга, баһаартан куттал суох буоларын хааччыйыыга хамыыһыйа мунньаҕар бастакы вице-премьер Дмитрий Садовников баһаары утары охсуһар ураты эрэһиим киллэриллибит улуустарга уонна куораттарга рейдэ тэрээһиннэрин күүһүрдэргэ сорудахтаата.
Итинник эрэһиим 18 муниципальнай улууска киллэриллибитэ. Ураты эрэһиимнээх сирдэргэ баһаартан куттал суох буолуутун хааччыйарга эбии ирдэбиллэр эбиллэллэр.
Өрөспүүбүлүкэ суһал ыстаабын чахчытынан, сезон саҕаланыаҕыттан 1854 патруллааһын дьаһала ыытылынна. Ол түмүгэр ойуурга баһаартан куттал суох буолуутун быраабылаларыгар 80 кэһии булулунна. 60 сэрэтии бэрилиннэ, 150 000 суумаҕа 2 административнай ыстыраап түһэрилиннэ. Ойуур баһаарыгар 9 буруйдаах булулунна.
Саха сиригэр ойуур баһаарын умулларыыга 749 киһи, 50 тиэхиньикэ, 16 салгын суудуната уонна 8 Ми-8 бөртөлүөт үлэлиир.
Санатан эттэххэ, Саха сиригэр баһаартан кутталлаах сезон ыам ыйын 6 күнүттэн биллэрилибитэ. Олохтоох бэйэни салайыныы уорганнарыгар ыксаллаах быһыыны-майгыны сэрэтиигэ уонна суох оҥорууга туһуламмыт тэрээһиннэри хааччыйарга этиллибитэ.
Былыр аныгы курдук аптека да, балыыһа даҕаны диэн суох. Онон хас эмэ үйэ тухары көлүөнэттэн…
Байыаннай дьайыы кыттыылаахтарыгар уонна кинилэр дьиэ кэргэттэригэр психологтар көмөлөрө, өйөбүллэрэ салҕанар. Ааспыт нэдиэлэҕэ, ону сэргэ…
Сорохтор уонунан, сүүһүнэн миэтэрэ үөһэ ытталлар, атыттар саастыылаахтарын кырбыылларын видеоҕа усталлар. Бу барыта биир эрэ…
Ким этэҥҥэ сылдьыан, уһун үйэлэниэн баҕарбат буолуой? Бары да уһуннук, дьоллоохтук олорору сэргиир, сэҥээрэр буоллахпыт.…
Дьааҥы улууhугар Табалаахха оҕо уhуйааныгар "Аҕыйах ахсааннаах хотугу норуоттар үгэстэригэр уhуйуу - төрөөбүт дойдуга бэриниилээх…
Быйылгыттан Саха сиригэр Ил Дархан Айсен Николаев өйөбүлүнэн “Мин бастакы идэм” диэн үрдүкү кылаас үөрэнээччилэрин…