Ойуур баһаарыгар буруйдаахтары булууга көмөлөспүттэргэ харчы биэриэхтэрэ
![](https://sakha-sire.ru/wp-content/uploads/2024/01/harchy-2-900x596.jpg)
Саха сиригэр ойуурга уот туруутугар буруйдаахтары булууга көмөлөспүт дьону харчынан биһириэхтэрэ.
Быраабы араҥаччылыыр эбэтэр хонтуруоллуур-кэтээн көрөр уорганнарга баһаар тахсыытыгар буруйдаахтар тустарынан тиэрдибит киһиэхэ 10 тыһыынча солкуобайы төлүөхтэрэ.
“Харчынан төлөбүр хас биирдии тахсыбыт баһаар уонна умайыы тахсыытыгар буруйдаах киһи иһин бэриллэр. Маныаха хас да киһи буруйдааҕын биллэрдэҕинэ харчынан төлөбүр муҥутуур суумата 50 тыһыынча солкуобайтан ордуо суохтаах”, — диэн өрөспүүбүлүкэ Экологияҕа, айылҕаны туһаныыга уонна ойуур хаһайыстыбатыгар министиэристибэтэ чопчулаата.
Гражданиҥҥа харчынан биһирэбил ойуурга баһаар туруутугар буруйдаах киһи эппиэтинэскэ тардылыннаҕына төлөнүллэр, ол эбэтэр суут уурааҕа эбэтэр федеральнай судаарыстыбаннай баһаары кэтиир, федеральнай судаарыстыбаннай ойууру кэтиир уорганнар уураахтара сокуоннай күүһүгэр киирдэҕинэ төлөнөр.
ЫБМ уонна айылҕа иэдээнин сэрэтиигэ уонна туоратыыга Саха Өрөспүүбүлүкэтин саппаас пуондатын үп-харчы ассигнованиетын туһаныы бэрээдэгэр олоҕуран эрэгийиэн Экологияҕа, айылҕаны туһаныыга уонна ойуур хаһаайыстыбатыгар министиэристибэтэ харчынан биһирэбили төлүүр.
Ойуур хаһаайыстыбатын сулууспатын төлөпүөнэ: 8-800-100-94-00.
СӨ эрэгийиэннээҕи ойуур хаһаайыстыбатын диспетчерскэй сулууспата: 8(4112)44-74-76, 8(4112)44-77-76. Оройуоннааҕы лесхозкутугар эбэтэр лесничествоҕа эрийиэххитин сөп.
Сообщить об опечатке
Текст, который будет отправлен нашим редакторам: