Мария Васильева Хаартыскаҕа түһэриитэ
2026 сылга Саха сиригэр ойууру баһаартан харыстааһыҥҥа 5,5 млрд тахса солкуобайы ыытыахтара диэн СӨ Ил Дархана Айсен Николаев РФ вице-премьерэ Дмитрий Патрушев бэрэссэдээтэллээх баһаар сезонугар бэлэмнэнии мунньаҕар иһитиннэрдэ.
Ил Дархан эппитинэн, федеральнай бүддьүөттэн көрүллүбүт суума 4,1 млрд тахса солкуобай, онтон эрэгийиэн бүддьүөтүттэн үбүлээһин 1,3 млрд тахса солкуобай.
Мунньахха Саха сирин кэнники сылларга ыксаллаах быһыы-майгы балаһыанньатыгар сөптөөхтүк дьаһанар субъект быһыытынан бэлиэтээтилэр. Дмитрий Патрушев ааспыт сезон саҕаланыыта боростуойа суох этэ, ол да буоллар биэдэмистибэлэр икки ардыларыгар биир ситимнээх үлэ, ону таһынан күүстэри кэмигэр көһөрүү түмүгэр балаһыанньаны бэс ыйын ортотугар туруктаах оҥорор кыаллыбыта диэн бэлиэтээтэ. Түмүгэр, дойдуга уот сиэбит иэнэ 2024 сылга тэҥнээтэххэ, икки төгүл кэриэтэ аҕыйаабыт. Ойуур баһаардарын утары охсуһууну сэрэтиигэ РФ Бырабыыталыстыбата 2025 сылга 20 млрд кэриҥэ солкуобайы ыыппыта, ол иһигэр ити суотугар Уһук Илинҥэ ойуур баһаарын киинэ тэриллибитэ, ону таһынан баһаар ордук элбэхтэ тахсар субъектарыгар подразделениелар матырыйаалынай-техническэй тэриллэрэ саҥардыллыбыта этилиннэ. Быйыл тиһиктээх тэрээһиннэри үбүлээһин өссө 7 млрд солкуобайынан улаатта.
Айсен Николаев иһитиннэрбитинэн, быйыл өрөспүүбүлүкэҕэ «Авиалесоохрана» ГБУ тус састаабын ахсаана 145 киһинэн элбэтиллиэҕэ, ол иһигэр 46 киһилээх 2 саҥа авиация салаата тэриллиэҕэ. Ону таһынан баһаар кутталлаах сезонугар диэри эбии 5 лүөччүк-кэтээччи үөрэҕин бүтэрэрэ былааннанар уонна кинилэр уопсай ахсааннарын 50-ҥа тиэрдиэхтэрэ. Бу ботурууллааһыны хас даҕаны төгүл элбэтэри хааччыйыаҕа.
Быйыл Саха сиригэр авиационнай мониториҥҥа уонна умуруорууга 50 салгын аалын туһаныы, 284 аналлаах тыа баһаарын тиэхиньикэтин кытыннарыы былааннанар.
Ландшафт баһаардарын умуруорууга РСЧС Саха сиринээҕи территориальнай подсистематын күүһэ – 7 тыһыынчаттан тахса киһи уонна 17 тыһыынча баһаары умуруорар тэрил буолар.
Олохтоох бэйэни салайыныы уорганнара 1,14 тыһыынча км тахса минерализованнай балаһаны уонна 712 км баһаартан харыстыыр арыттары саҥардыахтара.
Быйыл эмиэ искусственнай ардаҕы түһэриигэ биир сөмөлүөт-лабораторияны туһанары салгыы былаанныыллар.
«Ылыныллыбыт миэрэлэр быйылгы баһаар кутталлаах сезонугар сөптөөх бэлэмнэниини хааччыйыахтара, умуруорууну түргэтэтиэхтэрэ, ыксаллаах балаһыанньа тахсар кутталын уонна ойуур баайыгар хоромньуну кыччатыахтара», — диэн Айсен Николаев бэлиэтээтэ.
Сиһилии: https://www.sakha.gov.ru/news/22499
Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…
Мииринэй нэһилиэнньэлээх пууннарыгар СӨ Бырабыыталыстыбатын 2025 сыллааҕы үлэтин отчуоттуур мунньаҕын иккис күнэ. Бөлөҕү СӨ Бырабыыталыстыбатын…
Билигин Арассыыйаҕа барытыгар кэриэтэ XFG ("Стратус") коронавирус штамма тарҕанна. Бу штамм аан бастаан былырыын Канадаҕа…
Ньурба техникумугар устудьуоннары уонна үлэһиттэри ыксаллаах түгэннэргэ бэлэмниир, баһаартан сэрэтэр тэрээһиннэр ыытылыннылар диэн СӨ Судаарыстыбаннай…
Арассыыйа ИДьМ Мэҥэ Хаҥалас оройуонунааҕы полиция отделын дьуһуурунай чааһыгар олохтоох дьахтартан кыбартыыратыгар киирэр аанын алдьаппыттарын…
"Аҕа дойдуну көмүскээччилэр" пуонда Саха сиринээҕи филиалын кэлим көмөтүнэн, байыаннай дьайыы кыттыылааҕа, байыаннай дьайыылар бэтэрээннэрэ…