Ил Дархан, бырабыыталыстыба дьаһалтатын пресс-сулууспата.
Бырабыыталыстыбаҕа Ил Дархан иһинэн үлэлиир Судаарыстыбаннай национальнай бэлиитикэ сэбиэтин мунньаҕа буолла. Мунньаҕы вице-премьер Дьулустаан Борисов салайан ыытта.
Дьулустаан Борисов дойду Бэрэсидьиэнэ Владимир Путин Федеральнай Мунньахха туһаайан этиитигэр судаарыстыба сайдыытын стратегическай соруктарын торумнаабытын санатта. Бу соруктарга норуоттар икки ардыларынааҕы сыһыаннар тустарынан эмиэ этиллэр. Владимир Путин нуучча тылын уонна Арассыыйаҕа олорор элбэх омуктар култуураларын тарҕатыы бырагырааматын үбүлээһини улаатыннарарга сорудахтаабыта.
— Биһиги судаарыстыбабыт национальнай бэлиитикэтин сүрүн соругунан Арассыыйаҕа олорор элбэх омуктар тылларын, култуураларын харыстааһын, духуобунай, сиэр-майгы сыаннастарын көмүскээһин буолар. Онон бүгүҥҥү күҥҥэ норуоттар икки ардыларынааҕы сыһыан дойдубут уопсастыбатын түмэр күүс буолар, — диэн Дьулустаан Борисов эттэ.
Тас сибээстэргэ, норуоттар дьыалаларыгар миниистир Гаврил Кириллин мунньахха билиҥҥи балаһыанньа туһунан улахан дакылааты аахта. Кини Ил Дархан иһинэн үлэлиир Стратегическай чинчийии киинэ уонна РАН Федеральнай научнай-чинчийэр социологическай киинин Социологияҕа института ыыппыт социологическай чинчийиилэрин түмүгүн билиһиннэрдэ.
Ол курдук, 2023 сыллаахха ыйытыллыбыт дьон 78%-ра өрөспүүбүлүкэҕэ норуоттар икки ардыларынааҕы сыһыаннарын туругун үчүгэйинэн сыаналаабыттар; 88%-ра омугунан күөмчүлээһин суох диэн эппиттэр; 88%-ра итэҕэлинэн, эбэтэр, атеизмынан сылтаан күөмчүлээһин суох диэн билиммиттэр.
Кэнники сылларга өрөспүүбүлүкэҕэ национальнай-култуурунай хайысхалаах уопсастыбаннай түмсүүлэр элбээн иһэллэр. 2018 сыллаахха маннык түмсүү ахсаана 200 эбит буоллаҕына, 2023 сылга 350 буолбут. 90-с сылларга СӨ норуоттарын ассамблеята уонна Аҕыйах ахсааннаах хотугу норуоттар ассамблеялара тэриллибиттэрэ.
Гаврил Кириллин салгыы Саха сиригэр олорор норуоттар култуураларын уонна духуобунай, сиэр-майгы сыаннастарын харыстыырга туох тэрээһиннэр ыытыллалларын сырдатта.
СӨ Ил Дарханын уонна Бырабыыталыстыбатын пресс-сулууспата.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…