Хаартыска СӨ Киин быыбардыыр хамыыһыйатыттан
Саха сиригэр уустук суоллаах, ыраах сытар улуустарынан уонна нэһилиэктэринэн Дойду Бэрэсидьиэнин быыбарыгар куоластааһын олунньу 25 күнүттэн саҕаланыаҕа.
Көһө сылдьар учаастактааҕы быыбар хамыыһыйаларын чилиэттэрэ куоластааһыҥҥа 12 тыһыынча кэриҥэ киһини хабар былааннаахтар диэн Киин быыбардыыр хамыыйыһа бэрэссэдээтэлэ Евгений Федоров иһитиннэрдэ.
«Өрөспүүбүлүкэҕэ куоластааһыны тэрийии үлэтэ 26 улууска ытыллыаҕа. Биһиэхэ баахтабай бөһүөлэктэрин араас тэрилтэлэрин салайааччыларыттан сайабылыанньалар, быыбардааччылар испииһэктэрэ киирэллэр. Бу федеральнай таһымнаах быыбар, онон биһиги сабаҕалаан көрөрбүтүнэн, уустук уонна ыраах нэһилиэктэринэн 12 тыһыынча кэриҥэ быыбардааччы куоластыахтара. Кинилэри 76 быыбардыыр учаастактар хааччыйыахтара. Усуйаана, Булуҥ, Эдьигээн, Кэбээйи, Муома, Олүөнэ, Томпо курдук улуустарынан хамыйыыһыйа чилиэттэрэ бөртөлүөтүнэн көтүөхтэрэ, сылгыһыттарга массыынанан, Аллайыаха улууһугар балыксыттарга бураанынан айанныахтара», — диэтэ Евгений Федоров.
Саха сирин Киин быыбардыыр хамыыһыйатын иһитиннэриитинэн, улуустарынан бастакы баартыйа бүлүтүөннэр, ону тэҥэ дойду Бэрэсидьиэнин быыбарыгар анаан быыбар хамыыһыйаларын чилиэттэригэр наадалаах араас бэчээт бородууксуйалара ыытыллыннылар. Ону сэргэ олунньу 17 күнүттэн Саха сирин үрдүнэн «ИнформацияУИК» бырайыак саҕаламмыта. Бырайыак чэрчитинэн быыбардыыр хамыыһыйа чилиэттэрэ тустаах учаастактарынан быыбардааччыларга дойду Бэрэсидьиэнин быыбарын туһунан кэпсииллэр. Икки күн иһигэр исписэлиистэр 39 тыһыынча кэриҥэ дьиэҕэ сылдьыбыттара билиннэ.
Саха сиригэр ааспыт сууккаҕа түөрт буруйу оҥоруу буолбутун туһунан СӨ Борокуратуурата иһитиннэрэр. Амма улууһун Өнньүөс…
Таксыы, ОДьКХ төлөбүрдэрин, маркетплейстэртэн табаар сакаастааһыны куттала суох хайдах төлүүбүт? Баан каартатын дааннайдарын түөкүттэр туһамматтарын…
Саҥа сылбыт бу тиийэн кэллэ. Сорохтор “Саҥа дьылбыт” диэхтэрэ. Ол эрээри, тохсунньу 1 күнүттэн саҕаланар…
Бүгүн, ахсынньы 30 күнүгэр, Саха сирин сорох улуустарыгар -23 кыраадыс буолара күүтүллэр диэн УГМС иһитиннэрэр.…
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…