Саха сиригэр оҥоһуллубут «Бетукладин» атыыга таҕыста

Саха сирн учуонайдара оҥорбут «Бетукладин» диэн эбиликтэрэ атыыга таҕыста. Бу эбилик (БАД) вирустаах ыарыылары, ол иһигэр «ковид» ыарыыны эмтиир уонна доруобуйа чөлүгэр түһэригэр көмөлөһөр. 

— Бастакы баартыйа Дьокуускай аптекаларыгар балаҕан ыйыгар атыыга тахсыбыта. Билигин интэриниэтинэн федеральнай былаһаакаларга тахсарга бэлэмнэнэбит. Ону тэҥэ, Соҕуруулуу-Илиҥҥи Азия дойдуларыгар таһаарары эмиэ былаанныыбыт, — диэн оҥорон таһаарааччы «Витанорд» ХЭТ генеральнай дириэктэрин солбуйааччы Петр Максимов СИА-ҕа кэпсээтэ.

«Бетукладины» Арассыыйатааҕы Наука академиятын Саха сиринээҕи салаатын Криолитозона биологическай кыһалҕаларын институтун учуонайдара оҥорбуттара. Онтон оҥорон, атыыга тарҕатар хампаанньанан «Витанорд» ылсан үлэлээн эрэр.

Бу Саха сиригэр үүнэр үүнээйилэртэн — туостан, лабыктаттан оҥоһуллубут эбилик буолар. «Ковид» кэмигэр көдьүүстээҕин көрдөрбүтэ. Балыыһаларга тарҕатан, дьону эмтээбиттэрэ.

2020-2021 сылларга «Бетукладин» килиниичэскэй чинчийии бары түһүмэхтэрин ааспыта. Ону тэҥэ, дьон биирдиилээн атыылаһан баран, биһирээбиттэрин биллэрбиттэрэ. Ол туһунан «Саха сирэ» хаһыакка хаста да суруйан турабыт.