Хаартыска: «Полярные авиалинии» хампаанньа
Саха сиригэр оҥоһуу сөҥүүнү түһэрэр үлэ сөргүтүлүннэ. Бэнидиэнньиккэ, атырдьах ыйын 4 күнүгэр, самолет-зондировщик Халыма улуустарыгар үлэлээтэ.
Саха сиринээҕи Быыһыыр сулууспата иһитиннэрбитинэн, АН-26 «Атмосфера» самолет-зондировщик Орто Халыма уонна Аллараа Халыма улуустарыгар сөҥүүнү түһэриини күүһүртэ. Оҥоһуу ардаҕы түһэрэр үлэ Үөһээ Дьааҥы улууһугар эмиэ былааннанар, онно ойуур баһаара турар куттала үрдүк 4-с кылааһа бэлиэтэннэ.
Биэдэмистибэҕэ чуолкайдаабыттарынан, АН-26 «Атмосфера» бүтэһик көтүүтэ бэс ыйын 27 күнүгэр оҥоһуллубут. Онтон ойуур баһаарын балаһыанньата бигэ туруктаммытынан уонна ардахтаах күн-дьыл турбутунан сибээстээн, оҥоһуу сөҥүүнү түһэрэр наада суох буолбут. Росгидромет «ЯК-40» сөмөлүөтэ Новосибирскайга төннүбүт.
Өрөспүүбүлүкэ Экологияҕа министиэристибэтин иһитиннэриитинэн, атырдьах ыйын 5 күнүн сарсыардатыгар өрөспүүбүлүкэҕэ 33 ойуур баһаара умайа турар. Ойуур баһаардара Абый, Үөһээ Халыма, Үөһээ Дьааҥы, Бүлүү, Муома, Аллараа Халыма, Орто Халыма, Томпо уонна Эбээн-Бытантай улуустарыгар 80 507 гектар иэннээх сиргэ умайаллар.
Ааспыт суукка иһигэр Анаабыр, Бүлүү, Үөһээ Дьааҥы, Эдьигээн, Муома, Ньурба, Томпо, Өлүөхүмэ уонна Усуйаана улуустарыгар 16 ойуур уонна икки ландшафтнай баһаары умуруордулар. Баһаары умуруорууга 240 киһи кытынна.
Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк.…
Мииринэй оройуонун Аҕа дойду буойуннарын дьиэ кэргэннэрин кэмитиэтин салайааччытын солбуйааччы Юлия Порядочных "Патриот" национальнай бириэмийэ…
Ньурба улууһун 42 саастаах олохтооҕо ГАИ үлэһитин үөхпүт. Бу туһунан дьуһуурунай борокуруор иһитиннэрэр. Саха сиригэр…
Ил Дархан Айсен Николаев Уһук Илини социальнай-экэнэмиичэскэй өттүнэн сайыннарыыга РФ Бырабыыталыстыбатын стратегическай сиэссийэтигэр кытынна. РФ…
Ааспыт сууккаҕа ЫБММ үэһиттэрэ суол саахалыгар ыҥырыллыбатылар. Техногеннай биэс баһаар бэлиэтэммит, эмсэҕэлээччи да, өлөөччү да…
ГПХ-нан уонна дуогабарынан үлэ туох уратылаахтарын, кимнээх маннык үлэлиэхтэрин сөбүн туһунан Объясняем.рф телеграм-ханаал иһитиннэрэр. [gallery…