Саха сиригэр ОРВИ-га сутуллуу элбээтэ

Ахсынньы 5 күнүттэн 11 күнүгэр диэри Саха сиригэр 20 621 киһи ОРВИ-га сутулунна диэн эрэгийиэннээҕи Роспотребнадзор иһитиннэрэр. Бу ааспыт көрдөрүттэн 28 %-нан үрдүк көрдөрүү буолар. Маныаха кириибинэн ыалдьыы эмиэ элбээн иһэр. Өрөспүүбүлүкэ үрдүнэн ыалдьыы боруога 3,1 төгүл үрдээбит. 

Лабораторнай кэтээн көрүү дааннайдарынан, ааспыт нэдиэлэҕэ гриппознай этиологиялаах вирус элбэҕэ быһаарылылбыт. H1N1 (сибиинньэ кириибэ) диэн вирус ахсаана баһыйбыт. Ыалдьыбыт киһи 39-40 кыраадыска диэри этин-сиинин температурата тахсар, төбөтө ыалдьар, сүһүөхтэрэ тардар буолар. Бу вирус ордук кыра оҕоҕо уонна дьарҕа ыарыылаах дьоҥҥо кутталлаахтык дьайар. Онон ыарыы баара билиннэҕинэ тута бырааска көрдөрүнэр ордук.

Дьаҥтан-дьаһахтан быһыы көмөлөһөр. Ахсынньы 11 күнүнээҕи туругунан, Саха сиригэр 471 109 киһи быһыыны ылбыта биллэр.