​Саха сиригэр оскуола үөрэнээччилэригэр бастакы тыа хаһаайыстыбатын олимпиадата ыытыллыаҕа

Саха сирин үөрэнээччилэригэр бастакы тыа хаһаайыстыбатын олимпиадата ыытыллыаҕа. Итиннэ 7-10 кылаас үөрэнээччилэрэ кыттыыны ылыахтарын сөп. Сайаапканы ылыы кулун тутар 10 күнүгэр диэри салҕанар. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

Олимпиада кулун тутар 28 күнүгэр «Россия — Моя история» история пааркатыгар «Я — АГРОмиллионер» дьаарбаҥка-быыстапка чэрчитинэн буолуоҕа. Тэрээһин үөрэнээччилэри аграрнай наукаларга уонна технологияларга интэриэстэрин сайыннарыыга, ону тэҥэ тыа хаһаайыстыбатын инники кэскилигэр кылааттарын киллэриигэ дьулуһар талааннаах үөрэнээччилэр талааннарын арыйыыга туһуланар.

Тэрээһиҥҥэ кыттарга кылаастан эбэтэр биирдиилээн сайаапканы толорон электроннай почтаҕа ыытыахха наада: agrostart14@gmail.com
Олимпиада туһунан сиһилии саайтка киирэн билсиэххитин сөп.